ស្លា.ប់ម្នាក់របួសធ្ងន់២នាក់ ក្នុងករណីគ្រោះថ្នាក់ចរាចរណ៍នៅផ្លូវវេងស្រេង
រាជធានីភ្នំពេញ ៖ នៅវេលាម៉ោង៨ និង១៥នាទីយប់ ថ្ងៃទី២៦ ខែឧសភា ឆ្នាំ២០១៧នេះ មានករណីគ្រោះថ្នាក់ចរាចរណ៍រវាងអ្នកជិះម៉ូតូបុកអ្នកដើរ
រាជធានីភ្នំពេញ ៖ (Update) នៅវេលាម៉ោង៨ និង១៥នាទីយប់ ថ្ងៃទី២៦ ខែឧសភា ឆ្នាំ២០១៧នេះ មានករណីគ្រោះថ្នាក់ចរាចរណ៍រវាងអ្នកជិះម៉ូតូបុកអ្នកដើរ នៅតាមបណ្តោយផ្លូវវេងស្រេង ក្នុងភូមិជ្រៃកោង សង្កាត់ចោមចៅ ខណ្ឌពោធិសែនជ័យ បណ្ដាលឲ្យមានមនុស្សស្លាប់ម្នាក់ របួសធ្ងន់២នាក់ និងស្រាលម្នាក់ផងដែរ។ ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់ដើរកាន់ផ្ទាំងកញ្ចក់ឆ្លងផ្លូវ ក្នុងទិសដៅពីត្បូងទៅជើង លុះដល់ចំណុចកើតហេតុមានម៉ូតូ១គ្រឿងម៉ាកស៊ុយហ្ស៊ុយគី ឡេត ពាក់ស្លាកលេខ ភ្នំពេញ 1DG-9181 ជិះគ្នា៣នាក់បើកបរក្នុងល្បឿនលឿនក្នុងទិសដៅពីកើតទៅលិច ហើយប៉ះផ្ទាំងកញ្ចក់ ហើយម៉ូតូបានជ្រុលល្បឿនទៅបុកនឹងបង្គោលភ្លើងខឿនពុះចែកទ្រូងផ្លូវ បណ្ដាលឲ្យអ្នកជិះម៉ូតូម្នាក់បែកប្រអប់មាត់ស្លាប់ភ្លាមៗនៅនឹងកន្លែង និង២នាក់ទៀតរងរបួសធ្ងន់ ចំណែកឯអ្នកដើរកាន់កញ្ចក់រងរបួសស្រាល ដោយឃើញហេតុការណ៍បែបនេះក៏រត់គេចខ្លួនបាត់ស្រមោល។
ជនរងដែលបានស្លាប់នោះមានឈ្មោះ ទៀង ចាន់ណារុន អាយុ១៧ឆ្នាំ មុខរបរសិស្ស ស្នាក់នៅបុរីសន្តិភាព២ សង្កាត់ពងទឹក ខណ្ឌដង្កោ។ មានស្រុកកំណើតនៅភូមិព្រះស្រែ ឃុំវិហារលួង ក្រុងសួងខេត្តត្បូងឃ្មុំ ត្រូវបានសាច់ញាតិដឹកបញ្ជូនទៅធ្វើបុណ្យនៅស្រុកកំណើត។ រីឯជនរងគ្រោះដែលរងរបួសធ្ងន់ទាំង២នាក់នោះមិនទាន់បានស្គាល់អត្តសញ្ញាណនៅឡើយទេ ដោយភ្លាមៗនោះត្រូវបានរថយន្តសង្គ្រោះមន្ទីរពេទ្យឯកជនមួយ ដឹកយកទៅព្យាបាល៕
ចែករំលែកព័តមាននេះ