កីឡាករបាល់ទាត់អាយុក្រោម១៧ឆ្នាំ កម្ពុជាឈ្នះក្រុងហូជីមិញ២-០
ខេត្តស្វាយរៀង ៖ ក្រុមកីឡាបាល់ទាត់យុវជនអាយុក្រោម១៧ឆ្នាំកម្ពុជា ប្រកួតឈ្នះក្រុមកីឡាករបាល់ទាត់យុវជនអាយុក្រោម១៧ឆ្នាំវៀតណាម
ខេត្តស្វាយរៀង ៖ ក្រុមកីឡាបាល់ទាត់យុវជនអាយុក្រោម១៧ឆ្នាំកម្ពុជា ប្រកួតឈ្នះក្រុមកីឡាករបាល់ទាត់យុវជនអាយុក្រោម១៧ឆ្នាំវៀតណាម
ខេត្តស្វាយរៀង ៖ ក្រុមកីឡាបាល់ទាត់យុវជនអាយុក្រោម១៧ឆ្នាំកម្ពុជា ប្រកួតឈ្នះក្រុមកីឡាករបាល់ទាត់យុវជនអាយុក្រោម១៧ឆ្នាំវៀតណាម ក្រុងហូជីមិញ ចំនួនពីរគ្រាប់ទល់នឹងសូន្យ (គឺកម្ពុជាស៊ុតចូល២គ្រាប់ វៀតណាមសូន្យ)។ ការប្រកួតកីឡាបាល់ទាត់មិត្តភាពកម្ពុជា ជាមួយ ក្រុងហូជីមិញ វៀតណាមនេះបានចាប់ផ្តើមពីវេលាម៉ោង៥ល្ងាចដល់ម៉ោង៧យប់ ថ្ងៃទី២៦ ឧសភា ២០១៧នេះ នៅកីឡាដ្ឋានស្វាយរៀង ក្រុងស្វាយរៀង។
ក្នុងឱកាសនោះដែរក៏មានការអញ្ជើញជាគណៈអធិបតីពីលោក ស៊ាន បូរ៉ាត់ រដ្ឋលេខាធិការក្រសួងអប់រំយុជន និងកីឡា លោក សៅ សុខា ប្រធាសហពន្ធ័កីឡាបាល់ទាត់កម្ពុជា លោកម៉ែន វិបុល អភិបាលខេត្តស្វាយរៀង និងគណៈប្រតិភូកីឡា កម្ពុជា-វៀតណាម ព្រមទាំងមន្ត្រីរាជការ ប្រជាពលរដ្ឋ សិស្សានុសិស្ស ជាច្រើនកុះករថែមទៀតផង។ លោកនាយឧត្តមសេនីយ៍ សៅ សុខា ប្រធានសហពន្ធ័កីឡាបាល់ទាត់កម្ពុជា បានមានប្រសាសន៍ថា កីឡាដើម្បីសុខភាពបម្រើការរៀនសូត្រ ការកម្សាន្តសប្បាយ មិត្តភាព បង្កើតទីផ្សារការងារ រក្សាបរិស្ថាន សន្តិភាព សន្តិសុខសណ្តាប់ធ្នាប់ និងស្ថិរភាពនយោបាយ ទាក់ទាញភ្ញៀវទេសចរណ៍ ទប់ស្កាត់ និងរារាំងរាល់ភាពអសកម្មនានាក្នុងសង្គមដូចជា គ្រឿងញៀន ជំងឺអេដស៍ គ្រោះថ្នាក់ចរាចរណ៍ យុទ្ធភណ្ឌមិនទាន់ផ្ទុះ ការពារបរិស្ថាន សម្អាតអនាម័យ ដាំដើមឈើ ដើម្បីជីវិតយើងទាំងអស់គ្នាស្រស់បំព្រង និងដើម្បីកសាងកិត្តិយសជូនជាតិតាមរយៈការប្រកួតកីឡាបាល់ទាត់នោះ។
ការប្រកួតយ៉ាងស្វិតស្វាញនៅក្នុងតង់ទី១ ក្រុមកីឡាករកម្ពុជា គឺកីឡាករពាក់ស្លាកលេខ៩កម្ពុជា ស៊ុតបញ្ចូលទី របស់វៀតណាមបាន២គ្រាប់ ទល់និងសូន្យ។ នៅក្នុងតង់ទី២ ការប្រកួតកាន់តែស្វិតស្វាញ ខាងកីឡាករវៀតណាមសម្រុកមកលើកីឡាករកម្ពុជាមានឱកាសស៊ុតបញ្ចូលទីចំនួន២លើក ក៏ប៉ុន្តែអ្នកចាំទីកម្ពុជាជួយសង្គ្រោះចាប់បាល់បានទាំង២គ្រាប់ រីឯកីឡាករកម្ពុជាក៏មានាឱកាសជាច្រើនលើកដែរតែធ្វើមិនបានសម្រេច ដូច្នេះលទ្ធផលកីឡាករនៃព្រះរាជាណាចក្រកម្ពុជា យកឈ្នះ លើកីឡាករវៀតណាម២គ្រាប់ទល់នឹងសូន្យ៕
ចែករំលែកព័តមាននេះ