រាជធានីភ្នំពេញ ៖ អ្នកប្រើប្រាស់គ្រឿងញៀ.នចំនួន៤នាក់ ត្រូវបានកម្លាំងនគរបាលប៉ុស្ដិ៍ចោមចៅ ធ្វើការចាប់ខ្លួនបាន ក្នុងខណៈពេលដែលអ្នកទាំងនោះ កំពុងប្រមូលផ្ដុំគ្នាធ្វើសកម្មភាព សេពគ្រឿងញៀ.នយ៉ាងជក់ចិត្តនៅក្នុងបន្ទប់ផ្ទះជួលមួយកន្លែង មិនគិតពីការធ្វើការងាររកស៊ីនោះឡើយ ហើយនគរបាលក៏បានប្រាប់ថា ជនទាំងនោះគឺជាមុខសញ្ញាជួញដូរគ្រឿងញៀ.នផងដែរ ។
រាជធានីភ្នំពេញ ៖ អ្នកប្រើប្រាស់គ្រឿងញៀនចំនួន៤នាក់ ត្រូវបានកម្លាំងនគរបាលប៉ុស្ដិ៍ចោមចៅ ធ្វើការចាប់ខ្លួនបាន ក្នុងខណៈពេលដែលអ្នកទាំងនោះ កំពុងប្រមូលផ្ដុំគ្នាធ្វើសកម្មភាព សេពគ្រឿងញៀនយ៉ាងជក់ចិត្តនៅក្នុងបន្ទប់ផ្ទះជួលមួយកន្លែង មិនគិតពីការធ្វើការងាររកស៊ីនោះឡើយ ហើយនគរបាលក៏បានប្រាប់ថា ជនទាំងនោះគឺជាមុខសញ្ញាជួញដូរគ្រឿងញៀនផងដែរ ។
ការចាប់ខ្លួននោះបានធ្វើឡើង កាលពីវេលាម៉ោង០១និង២០នាទីរសៀល ថ្ងៃទី២៦ ខែឧសភា ឆ្នាំ២០១៧ នៅចំណុចបន្ទប់ផ្ទះជួល ដែលមានទីតាំងស្ថិតនៅក្នុងភូមិព្រៃណ្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ ជនសង្ស័យដែលត្រូវចាប់ខ្លួននោះ ទី១.ឈ្មោះ ព្រាប លក្ខណ៏ អាយុ៣២ឆ្នាំ មុខរបរជាកម្មកររោងចក្រកាត់ដេរ ទី២.ឈ្មោះ អឿន តុលា អាយុ២៦ឆ្នាំ មុខរបរជួសជុលទូរស័ព្ទ ទី៣.ឈ្មោះ សុខ សុភាព អាយុ៣១ឆ្នាំ និងទី៤.ឈ្មោះ សុខ សុផេន អាយុ២៨ឆ្នាំ អ្នកទាំង៤នាក់នោះស្នាក់នៅបន្ទប់ផ្ទះជួលក្នុងភូមិកើតហេតុខាងលើ ។ នគរបាលបានឲ្យដឹងថា ជនសង្ស័យទាំង៤នាក់នោះ គឺជាមុខសញ្ញាប្រើប្រាស់ ហើយក៏ជួញដូរគ្រឿងញៀនផងដែរ ហើយនៅមុនពេលកើតហេតុ ជនទាំងនោះបានប្រមូលផ្ដុំគ្នាសេពគ្រឿងញៀន នៅក្នុងបន្ទប់ជួលខាងលើ ខណៈនោះត្រូវបានប្រជាពលរដ្ឋប្រទះឃើញ បានរាយការណ៏ជូនកម្លាំងនគរបាលប៉ុស្ដិ៍ចោមចៅ ទើបកម្លាំងចុះទៅធ្វើការបង្ក្រាប និងចាប់ខ្លួនបានទាំងសម្បុកតែម្ដង ។
ដោយនៅក្នុងពេលនោះកម្លាំងនគរបាលដកហូតបានឧបករណ៍សម្រាប់ប្រើប្រាស់គ្រឿងញៀន និងម៉ូតូម៉ាក គុបជ្រុង ពណ៏ទឹកប្រាក់មួយគ្រឿងផងដែរ ។ បន្ទាប់មកនគរបាលបាននាំទៅកាន់ប៉ុស្ដិ៍ចោមចៅ ដើម្បីសាកសួរ និងកសាងសំណុំរឿងចាត់ការតាមផ្លូវច្បាប់នៅពេលក្រោយ ៕
ចែករំលែកព័តមាននេះ