ខេត្តព្រៃវែង ៖ សមត្ថកិច្ចច្រកទ្វាព្រំដែនអន្តរជាតិបន្ទាយចក្រី ឃាត់ខ្លួនអ្នកបើករថយន្តតាក់ស៊ីម្នាក់ ក្រោយឆែករកឃើញថ្នាំគ្រាប់ និងថ្នាំម្សៅមួយចំនួនធំ សង្ស័យថាជាថ្នាំញៀនការឃាត់ខ្លួននេះធ្វើឡើងកាលពីវេលាម៉ោង០៤និង៣០នាទីល្ងាច ថ្ងៃទី២៥ ខែឧសភា ឆ្នាំ២០១៧ នៅចំណុចមាត់ច្រកទ្វាព្រំដែនអន្តរជាតិបន្ទាយចក្រី ដែលស្ថិតនៅក្នុងភូមិកគោ ឃុំបន្ទាយចក្រី ស្រុកព្រះស្តេច ខេត្តព្រៃវែង ។
ខេត្តព្រៃវែង ៖ សមត្ថកិច្ចច្រកទ្វាព្រំដែនអន្តរជាតិបន្ទាយចក្រី ឃាត់ខ្លួនអ្នកបើករថយន្តតាក់ស៊ីម្នាក់ ក្រោយឆែករកឃើញថ្នាំគ្រាប់ និងថ្នាំម្សៅមួយចំនួនធំ សង្ស័យថាជាថ្នាំញៀនការឃាត់ខ្លួននេះធ្វើឡើងកាលពីវេលាម៉ោង០៤និង៣០នាទីល្ងាច ថ្ងៃទី២៥ ខែឧសភា ឆ្នាំ២០១៧ នៅចំណុចមាត់ច្រកទ្វាព្រំដែនអន្តរជាតិបន្ទាយចក្រី ដែលស្ថិតនៅក្នុងភូមិកគោ ឃុំបន្ទាយចក្រី ស្រុកព្រះស្តេច ខេត្តព្រៃវែង ។
មន្ត្រីប៉ូលីសអន្តោប្រវេសន៌ច្រកទ្វាអន្តរជាតិបន្ទាយចក្រី បានប្រាប់ឲ្យកោះសន្តិភាពដឹងថា អ្នកបើកបររថយន្តតាក់ស៊ីដែលត្រូវឃាត់ខ្លួននោះឈ្មោះ វៀង ហាងហ៊ិក ភេទប្រុស អាយុ២១ឆ្នាំ ជនជាតិវៀតណាម មានទីលំនៅក្នុងធី ឃុំផុងប៊ិន ស្រុកតាំងហុង ខេត្តដុងថាប់ ប្រទេសវៀតណាម ។ ចំណែថ្នាំដែលរកឃើញនៅក្នុងខ្លួនរបស់គេមាន២ប្រភេទ គឺថ្នាំប្រភេទគ្រាប់ពណ៌លឿងចំនួន ៩៩៩គ្រាប់ និងប្រភេទម្សៅពណ៌ស្លឹកឈើចាស់ចំនួន ៥ថង់ ដែលមានទំងន់សរុបស្មើនឹង ៥,៨៧គីឡូក្រាម ។ មន្ត្រីប៉ូលីសអន្តោប្រវេសន៌ដដែលនេះបានបញ្ជាក់ថា មុននឹងឈានដល់ការឃាត់ខ្លួនជនសង្ស័យខាងលើនេះ គឺជនសង្ស័យបានជិះម៉ូតូដឹកកេះមួយ និងកំប៉ុងនំបង្កងមួយ ធ្វើដំណើរឆ្លងកាត់មាត់ច្រកទ្វាព្រំដែនអន្តរជាតិបន្ទាយចក្រី ដើម្បីឆ្លងចូលទៅប្រទេសវៀតណាម ប៉ុន្តែពេលកម្លាំងប៉ូលីសអន្តោប្រវេសន៌ ដែលប្រចាំការនៅមាត់ច្រកទ្វាត្រួតពិនិត្យលើប៉ាស្ព័រ បែរជាឃើញមានភាពមិនប្រក្រតី គឺប៉ាស្ព័រមិនឃើញមានប្រថាប់ត្រាឆ្លង់កាត់ពីមន្ត្រីច្រកទ្វាព្រំដែនទេ ទាំងខាងខ្មែរ និងខាងវៀតណាម ។ ដោយឃើញមានភាពខុសប្រក្រតីបែបនេះ ទើបកម្លាំងប៉ូលីសអន្តោរប្រវេសន៌ធ្វើការសួរនាំ ស្រាប់តែជនសង្ស័យឆ្លើយរដាក់រដុបខុសប្រក្រតី លុះពេលត្រួតពិនិត្យទំនិញដែលគេយកមកជាមួយ ស្រាប់តែរកឃើញថ្នាំជាច្រើន ទើបធ្វើការឃាត់ខ្លួនជនសង្ស័យតែម្តង និងបាននាំខ្លួនជនសង្ស័យ និងថ្នាំទាំងនោះយកមកប្រគល់ឲ្យអធិការដ្ឋាននគរបាលស្រុកព្រះស្តេច ចាត់ការបន្តនៅព្រឹកថ្ងៃបន្ទាប់ថ្ងៃទី២៦ ខែឧសភា ឆ្នាំ២០១៧ ។ លោក ជៃ សេងហ៊ាង អធិការនគរបាលស្រុកព្រះស្តេចបានឲ្យដឹងថា ថ្នាំទាំងនោះយើងសង្ស័យថាអាចជាសារធាតុញៀន ប៉ុន្តែយើងនៅមិនទាន់ដឹងថា វាជាថ្នាំញៀនប្រភេទអ្វីនោះទេ គឺត្រូវយកទៅធ្វើតេស្តមើលនៅស្នងការដ្ឋាននគរបាលខេត្តសិន ទើបដឹងថាវាជាថ្នាំញៀនប្រភេទអ្វី ដោយឡែកជនសង្ស័យដែលត្រូវឃាត់ខ្លួន គឺមិនព្រមឆ្លើយការពិតដែរ ដោយគ្រាន់តែប្រាប់ថាមិនដឹងអ្វីទាំងអស់ ។ ទោះជាយ៉ាងណាក៏ដោយ លោកអធិការបានបញ្ជាក់ប្រាប់ថា ថ្នាំទាំងនោះ និងត្រូវយកទៅធ្វើតេស្តនៅស្នងការខេត្តនៅរសៀលថ្ងៃទី២៦ ខែឧសភានេះតែម្តង ហើយបើរកឃើញថាវាពិតជាថ្នាំញៀនមែននោះ សមត្ថកិច្ចជំនាញ និងបន្តធ្វើការស្រាវជ្រាវរកមេខ្លោង និងបក្សពួកជនល្មើសផ្សេងៗទៀត ដើម្បីយកមកផ្តន្ទាទោសទៅតាមច្បាប់ ។
គួរបញ្ជាក់ផងដែរថា ថ្នាំទាំងនេះ គឺជនសង្ស័យបាននាំយកពីរាជធានីភ្នំពេញ មានបំណងនាំចេញទៅប្រទេសវៀតណាម មិនមែននាំចូលមកប្រទេសកម្ពូជានោះទេ ប៉ុន្តែគេក៏មិនទាន់ដឹងដែរថា ការនាំចេញបែបនេះធ្វើឡើងបានប៉ុន្មានដងហើយនោះដែរ ៕
ចែករំលែកព័តមាននេះ