រាជធានីភ្នំពេញ ៖ ដោយមើលឃើញអ្នកនយោបាយជើងចាស់ចេះតែវាយប្រហារពាក្យសម្ដីដាក់គ្នា មេបក្សអំណាចខ្មែរ លោក សួន សេរីរដ្ឋា បានស្នើដល់អ្នកនយោបាយជើងចាស់ ពិសេសនោះគណបក្សកាន់អំណាចនិងគណបក្សប្រឆាំងឈប់ផ្លោងពាក្យសម្តីដាក់គ្នាតទៅទៀត ដោយងាកមកជជែកទល់មុខគ្នាវិញ ។
លោក សួន សេរីរដ្ឋា បានសរសេរលើបណ្តាញសង្គមហ្វេសប៊ុកនៅថ្ងៃទី២៦ ឧសភាថា ក្នុងពេលយុទ្ធនាការរកសំឡេងគាំទ្រពីពលរដ្ឋ អ្នកនយោបាយគួរដាក់ចេញនូវដំណោះស្រាយ បស់ខ្លួនដើម្បីជួយរំដោះទុក្ខធុររបស់ប្រជាពលរដ្ឋ ពោលគឺមិនមែនអាងអំណាច ឬប្រើភាសាអសប្បុរសផ្លោងដាក់គ្នាពីចម្ងាយធ្វើឲ្យពលរដ្ឋភ័យខ្លាចថែមនោះទេ។ លោកបញ្ជាក់ថាដើម្បីជៀសវាងនូវការប្រើសម្ដីអសុរោះផ្លោងដាក់គ្នាបែបនេះ អ្នកនយោបាយចាស់ថ្មីទាំងអស់ល្មមមានភាពក្លាហានហ៊ានទទួលយកនូវវប្បធម៌ប្រជាធិបតេយ្យគំរូគឺ បេក្ខជនស្មើឋានៈតាំងពីថ្នាក់ឃុំរហូតដល់ថ្នាក់ជាតិត្រូវតែឡើងជជែកតទល់គ្នាដើម្បីបង្ហាញសមត្ថភាពបង្ហាញពីគំនិតដោះស្រាយបញ្ហាជាតិ ជជែកដេញដោលគ្នា និងឆ្លើយសំណួរផ្ទាល់ពីប្រជាពលរដ្ឋ ។
លោកថា ធ្វើជាអ្នកនយោបាយកុំកំសាក តោះយើងឡើងវេទិកាជជែកដេញដោលគ្នា ៕
ចែករំលែកព័តមាននេះ