ចិន ៖ តាមប្រភពព័ត៌មាន Huffington Post បានឲ្យដឹងថា បុរសអាយុ៥០ឆ្នាំម្នាក់ ដែលមកពីភាគខាងកើតនៃប្រទេសចិន ត្រូវបានគ្រូពេទ្យវះកាត់នៅ Suzhou ខេត្ត Jiangsu យកប៊ិចពីរដើមចេញពីក្រពះ ក្រោយពេលលេបវាចូលអស់រយៈពេល៣៦ឆ្នាំ ។ កាលពី៣៦ឆ្នាំមុន លោកតា Wang លេបប៊ិចទាំងពីរដើមនេះចូល ដោយសារចាញ់ល្បែងភ្នាល់គ្នា ។
នៅក្នុងរូបថតដែលបានបង្ហោះចូលអនឡាញ បានបង្ហាញពីសភាពរបស់ប៊ិចពីរដើម ដែលទើបតែយកចេញពីក្នុងខ្លួនរបស់លោកតា ។ វាមានសភាពល្អនៅឡើយ ទោះបីនៅក្នុងពោះរបស់លោកតាអស់រយៈពេល៣៦ឆ្នាំក៏ដោយ ។ លោកតា Wang ត្រូវបានគេដឹងថា លោកតាបានលេបវាចូលជាមួយស្រា តាំងពីអាយុ១៤ឆ្នាំ ។ តាំងពីពេលនោះមក លោកតាមិនចាប់អារម្មណ៍ថាមានប៊ិចនៅក្នុងខ្លួនទេ ។ ទាល់តែគេថតកាំរស្មីអ៊ិចទើបលោកតានឹកឃើញឡើងវិញ ។
លោកតាប្រាប់ថា លោកតាគ្មានឈឹអ្វីទេក្នុងពោះអស់ពេលប៉ុន្មានឆ្នាំមកនេះ ។ ក្រោយការវះកាត់ លោកតាត្រូវបានគេអនុញ្ញាតឲ្យចេញពីមន្ទីរពេទ្យទៅផ្ទះដោយសុវត្ថិភាព ៕
ចែករំលែកព័តមាននេះ