រាជធានីភ្នំពេញ៖ស្រីស្អាតវ័យក្មេង៣នាក់ជិះម៉ូតូមួយគ្រឿងក្នុងល្បឿនលឿន លុះដល់ផ្លូវកោងចាក់កួខ្លាំងពេកក៏រដួល បណ្តាលឲ្យរងរបួសធ្ងន់ម្នាក់និងស្រាល២នាក់ នៅមុខខារ៉ាអូខេ តន្ត្រីខ្មែរ KTV តាមផ្លូវលេខ២០០៤ ភូមិត្រពាំងល្វា សង្កាត់ កាកាប ខណ្ឌពោធិ៍សែនជ័យ កាលពីវេលាម៉ោង១១យប់ថ្ងៃទី២៥ ខែឧសភា ។
ពួកនាងទាំង៣នាក់នេះមិនត្រូវបានស្គាល់ឈ្មោះទេ ជិះម៉ូតូស្គូ ពណ៌សលាយផ្កាឈូក ពាក់ផ្លាកលេខ ភ្នំពេញ ១CI-៧៨១៥ ។ ខណៈទៅដល់ចំណុចខាងលើក៏បត់ឆ្វេង តែដោយបើកលឿនហើយចាក់កួខ្លាំងផងក៏បណ្តាលដួលអូសជាង១០ម៉ែត្រ តែមិនជ្រុលទៅបុកនារីខារ៉ាអូខេដែលអង្គុយចាំម៉ូយនៅមុខហាងទេ ។
ក្រោយកើតហេតុ ពួកនារីខារ៉ាអូខេនៅហាងនោះបានជួយលើកម៉ូតូ ហើយពួកនាងទាំង៣នាក់ក៏ឡើងជិះម៉ូតូទៅព្យាបាលដោយខ្លួនឯង ៕
ចែករំលែកព័តមាននេះ