រថយន្តដឹកឈើ១គ្រឿង បើកលឿនក្រឡាប់ធ្លាក់ផ្លូវ៦ត្រឡប់
ខេត្តរតនគិរី ៖ រថយន្តកាមរីមួយគ្រឿងចេញពីខេត្តរតនគិរីឆ្ពោះទៅខេត្តស្ទឹងត្រែងបំណងទៅដឹកឈើដល់ពាក់កណ្ដាលផ្លូវបានក្រឡាប់៦ត្រឡប់។
ខេត្តរតនគិរី ៖ រថយន្តកាមរីមួយគ្រឿងចេញពីខេត្តរតនគិរីឆ្ពោះទៅខេត្តស្ទឹងត្រែងបំណងទៅដឹកឈើដល់ពាក់កណ្ដាលផ្លូវបានក្រឡាប់៦ត្រឡប់។ ហេតុការណ៍នេះបានកើតឡើងនៅវេលាម៉ោង១០ និង៤០នាទីព្រឹក ថ្ងៃទី២៥ ឧសភា ២០១៧នេះ លើកំណាត់ផ្លូវជាតិ ៧៨ ស្ថិតត្រង់ចំណុចអូរសូរ ក្នុងភូមិក្បាលរមាសឃុំក្បារមាស ស្រុកសេសាន ខេត្តស្ទឹងត្រែង ព្រំប្រទល់ខេត្តរតនគិរី។ ក្នុងហេតុការណ៍គ្រោះថ្នាក់ចរាចរណ៍នេះត្រូវបានសាច់ញាតិដែលទៅជួយសង្គ្រោះបានឲ្យដឹងថា រថយន្តដែលក្រឡាប់នេះមុនពេលកើតហេតុបើកចេញពីភូមិក្រពាំងហម ឃុំក្រពាំងក្រហម ខេត្តរតនគិរី ដែលជាលំនៅឋានជនរងគ្រោះ។
រថយន្តដែលក្រឡាប់នេះស៊េរីកាមរី ស៊េរី៩៥ ពណ៌ខ្មៅ ពាក់ស្លាកលេខ ភ្នំពេញ 2F-2054 ជិះគ្នាបីនាក់ក្នុងរថយន្តបំណងទៅដឹកឈើប្រណីតនៅភូមិច្របក្នុងទឹកដីខេត្តស្ទឹងត្រែង តែទៅមិនទាន់គោលដៅនោះទេ មកដល់ចំណុចកើតហេតុជាផ្លូវកោងហើយតៃកុងឡានបើកល្បឿនលឿនទើបបណ្ដាលឲ្យក្រឡាប់ធ្លាក់ទៅខាងឆ្វេងផ្លូវ៥ទៅ៦ត្រឡប់ជម្រៅទៅក្រោម៤ទៅ៥ម៉ែត្រ និងបាក់បង្គោលចរាចរណ៍ចំនួន៥ដើម ចំណែករថយន្តខូចខាតទាំងស្រុង។
ក្រោយពីកើតហេតុរយៈពេលមួយម៉ោងទើបមានរថយន្តសង្គ្រោះរបស់មន្ទីរពេទ្របង្អែកខេត្តរតនគិរីមកសង្គ្រោះដឹកយកទៅមន្ទីរពេទ្យបង្អែកខេត្ត។ តាមប្រពភព័ត៌មានពីគ្រូពេទ្របង្អែកបានឲ្យដឹងថា ជនរងគ្រោះទាំងបីនាក់នេះរងរបួសធ្ងន់ទាំងអស់មានសង្ឃឹមរស់តិចតួចណាស់៕
ចែករំលែកព័តមាននេះ