កងទ័ពហ្វ៊ីលីពីន កាលពីថ្ងៃទី២៥ ឧសភា បនទម្លាក់គ្រាប់បែកលើទីក្រុងមួយនាភាគខាងត្បូងប្រទេស ដែលនៅទីនោះពួកអ៊ិស្លាមនិយមដើរតាមគន្លងក្រុមរដ្ឋអ៊ិស្លាមបានសម្លា.ប់ជនស៊ីវិលយ៉ាងតិច១១នាក់ដែលនោះជា
កងទ័ពហ្វ៊ីលីពីន កាលពីថ្ងៃទី២៥ ឧសភា បនទម្លាក់គ្រាប់បែកលើទីក្រុងមួយនាភាគខាងត្បូងប្រទេស ដែលនៅទីនោះពួកអ៊ិស្លាមនិយមដើរតាមគន្លងក្រុមរដ្ឋអ៊ិស្លាមបានសម្លាប់ជនស៊ីវិលយ៉ាងតិច១១នាក់ដែលនោះជាហេតុផលនាំឱ្យប្រធានាធិបតីលោកRODRIGO DUTERTE ប្រកាសច្បាប់អាជ្ញាសឹក ។
ពួកយុទ្ធជនអ៊ិស្លាមនិយមចាប់តាំងពី២ថ្ងៃមកហើយសាបព្រោះភាពជ្រួលច្របល់នៅទីក្រុង MARAWI មានប្រជាជនភាគច្រើនកាន់សាសនាអ៊ិស្លាម ទើបញ៉ាំងឱ្យលោក DUTERTE ប្រកាសច្បាប់អាជ្ញាសឹក នៅតំបន់មីនដាណាវទាំងមូល ។
កងទ័ពរាយការណ៍ពីការទម្លាក់គ្រាប់បែកលើសង្កាត់ទាំងឡាយនៃទីក្រុងនោះ ។ ភាគច្រើននៃប្រជាជនទីក្រុងនេះស្ថិតនៅចម្ងាយប្រមាណជា៨០០គ.ម ខាងត្បូងក្រុងម៉ានីល បានភៀសខ្លួនចេញ។ ចំណែកពួកអ្នកដែលមិនចាកចេញត្រូវបានស្នើឱ្យចាកចេញពីបណ្តាសង្កាត់ដែលមានការប្រយុទ្ធគ្នា ។
យោងតាមកងទ័ពថា ទាហាន៥នាក់និងប៉ូលិសម្នាក់ត្រូវបានស្លាប់ក្នុងការប៉ះទង្គិចគ្នា ហើយពួកជីហាជ១៣នាក់ក៏ត្រូវស្លាប់ដែរ ។ តាមនាយទាហានហ្វ៊ីលីពីនម្នាក់ថា ជនស៊ីវិល២នាក់ត្រូវសម្លាប់ក្នុងមន្ទីរពេទ្យមួយកាន់កាប់ដោយពួកជីហាដ ។ កងទ័ពក៏ស៊ើបអង្កេតដែរលើបណ្តាព័ត៌មានដែលថាជនស៊ីវិល៩នាក់ត្រូវសម្លាប់ នៅប៉ុស្តិ៍ត្រួតពិនិត្យមួយរបស់ពួកជីហាដ ។
លោក DUTERTE កាលពីថ្ងៃទី២៤ ឧសភា ប្រកាសថា ប្រមុខប៉ូលិសម្នាក់ត្រូវពួកជីហាដចាប់ត្រង់បារ៉ាស់មួយហើយត្រូវកាត់ក្បាល ៕
ចែករំលែកព័តមាននេះ