ប្រធានាធិបតីអាមេរិក លោកដូណាល់ ត្រាំ បានលាតត្រដាងប្រាប់ប្រធានាធិបតីហ្វ៊ីលីពីន លោក RODRIGO DUTERTE ថា សហរដ្ឋអាមេរិកបានបញ្ជូននាវាមុជទឹកនុយក្លេអ៊ែរ២គ្រឿង ទៅកាន់ដែនទឹកកូរ៉េ ។ នេះជា
ប្រធានាធិបតីអាមេរិក លោកដូណាល់ ត្រាំ បានលាតត្រដាងប្រាប់ប្រធានាធិបតីហ្វ៊ីលីពីន លោក RODRIGO DUTERTE ថា សហរដ្ឋអាមេរិកបានបញ្ជូននាវាមុជទឹកនុយក្លេអ៊ែរ២គ្រឿង ទៅកាន់ដែនទឹកកូរ៉េ ។ នេះជាសេចក្តីរាយការណ៍កាលពីថ្ងៃទី២៤ ឧសភា របស់កាសែតញូវយ៉កថែម និង BUZZFEED ។
នេះជារឿងមួយនាំឱ្យមានសំណួរថ្មីៗលើសមត្ថភាពរបស់ប្រធានាធិបតីអាមេរិកលើការលាក់បាំងបណ្តាព័ត៌មានរសើបៗ ។ ទោះបីយ៉ាងណា ពេលកាសែត BUZZFEED សួរពីរឿងនេះអ្នកទទួលខុសត្រូវ៣រូបនៃមន្ទីរប៉ង់តាហ្គោន ពោលថា គេពុំដែលនិយាយពីនាវាមុជទឹកឡើយ ។
សារព័ត៌មានអាមេរិកទាំង២រាយការណ៍យ៉ាងនេះដោយផ្អែកលើការថតសំឡេងរបស់ពួកភ្នាក់ងារហ្វ៊ីលីពីនពីការសន្ទនាគ្នាតាមទូរស័ព្ទ ដែលមេដឹកនាំទាំង២ទាក់ទងគ្នាកាលពីថ្ងៃទី២៩ មេសា កន្លងទៅ ។ រឿងនោះជាកម្មវត្ថុនៃការផ្សព្វផ្សាយជាសម្ងាត់ ដោយផ្នែកអាមេរិកនៃក្រសួងការបរទេសហ្វ៊ីលីពីន ។
យោងតាមការថតសំឡេង លោកត្រាំ ថ្លែងទៅកាន់លោក DUTERTE ថា សហរដ្ឋអាមេរិកមានកម្លាំងវាយប្រហារខ្លាំងមួយនៅទីនោះ ។ យើងមាននាវាមុជទឹកខ្លាំងបំផុតលើពិភពលោក២គ្រឿង ។ យើងមាននាវាមុជទឹកនុយក្លេអ៊ែរ២គ្រឿងដែលយើងអាចប្រើ ។
ឥរិយាបថរបស់ប្រធានាធិបតីអាមេរិកទាក់ទិននឹងបណ្តាព័ត៌មានរសើបនាំឱ្យមានភាពចម្រូងចម្រាស់រួចហើយ ។ លោកត្រូវបានគេចោទថា លាតត្រដាងព័ត៌មានស៊ើបការណ៍ពីក្រុមរដ្ឋអ៊ិស្លាមបានមកពីប្រទេសទី៣ ដល់ប្រមុខការទូតរុស្ស៊ី លោកស័រហ្គេយឡាវរ៉ូវ និងឯកអគ្គរដ្ឋទូតរុស្ស៊ី ប្រចាំក្រុងវ៉ាស៊ីនតោន ដែលលោកទទួលនៅការិយាល័យពងក្រពើនៃសេតវិមាន ៕
ចែករំលែកព័តមាននេះ