ចេះហ៊ានវះកាត់ពងស្វាសគេទៅកើតបើខ្លួនមិនមែនជាពេទ្យផង
អាមេរិក ៖ តាមប្រភពព័ត៌មាន Metro បានឲ្យដឹងថា បុរសម្នាក់ត្រូវបានចាប់ខ្លួនបន្ទាប់ពីបានធ្វើការវះកាត់ទៅលើពងស្វាសរបស់បុរសភេទទីបីម្នាក់
អាមេរិក ៖ តាមប្រភពព័ត៌មាន Metro បានឲ្យដឹងថា បុរសម្នាក់ត្រូវបានចាប់ខ្លួនបន្ទាប់ពីបានធ្វើការវះកាត់ទៅលើពងស្វាសរបស់បុរសភេទទីបីម្នាក់
អាមេរិក ៖ តាមប្រភពព័ត៌មាន Metro បានឲ្យដឹងថា បុរសម្នាក់ត្រូវបានចាប់ខ្លួនបន្ទាប់ពីបានធ្វើការវះកាត់ទៅលើពងស្វាសរបស់បុរសភេទទីបីម្នាក់ ។ ប៉ូលិសបានប្រាប់ឲ្យដឹងថា លោក James Lowell Pennington អាយុ៥៧ឆ្នាំ ធ្វើការវះកាត់ទៅលើពងស្វាសរបស់អ្នកជម្ងឺដោយគ្មានអាជ្ញាប័ណ្ណពេទ្យ ។ លោក James បានយកសម្ភារវះកាត់របស់ទាហានមកវះកាត់យកពងស្វាសរបស់បុរសភេទទីបីចេញហើយដេរបិតទៅវិញ ។
ប្រភពពីប៉ូលិសបានបន្ថែមថា ស្ត្រីជាប្រពន្ធរបស់បុរសភេទទីបីនោះក៏នៅមើលពេលកំពុងវះកាត់ដែរ ។ ការវះកាត់ត្រូវធ្វើឡើងនៅក្នុងផ្ទះរបស់ជនរងគ្រោះនា Denver រដ្ឋ Colorado សហរដ្ឋអាមេរិក។ ប្រពន្ធបានទូរស័ព្ទទៅកាន់ប៉ូលិសក្រោយពេលឃើញឈាមហូរចេញពីមុខថ្នេរមិនបាត់សោះ ។
លោក James ត្រូវបានចាប់ខ្លួនពីបទបង្ករបួសស្នាមកម្រិតទីមួយ ហើយត្រូវបានឲ្យជាប់គុកដោយមិនអនុញ្ញាតឲ្យបង់ប្រាក់រួចខ្លួនឡើយ ។ គេនៅមិនទាន់ដឹងច្បាស់ថា លោក James មានមេធាវីឬអត់ទេ ។ គ្មាននរណាម្នាក់លើកទូរស័ព្ទពេលខាងព័ត៌មាន AP ទាក់ទងឡើយកាលពីថ្ងៃទី២០ ខែឧសភា ៕
ចែករំលែកព័តមាននេះ