យុទ្ធនាការឃោសនា៤ថ្ងៃ គ.ជ.ប ទទួលពាក្យបណ្តឹង២០
រាជធានីភ្នំពេញ ៖ សម្រាប់យុទ្ធនាការស្វែងរកសម្លេងឆ្នោតជ្រើសរើសក្រុមប្រឹក្សាឃុំ-សង្កាត់ក្នុងរយៈពេលបួនថ្ងៃគណៈកម្មាធិការជាតិ
រាជធានីភ្នំពេញ ៖ សម្រាប់យុទ្ធនាការស្វែងរកសម្លេងឆ្នោតជ្រើសរើសក្រុមប្រឹក្សាឃុំ-សង្កាត់ក្នុងរយៈពេលបួនថ្ងៃគណៈកម្មាធិការជាតិ
រាជធានីភ្នំពេញ ៖ សម្រាប់យុទ្ធនាការស្វែងរកសម្លេងឆ្នោតជ្រើសរើសក្រុមប្រឹក្សាឃុំ-សង្កាត់ក្នុងរយៈពេលបួនថ្ងៃគណៈកម្មាធិការជាតិរៀបចំការបោះឆ្នោតបានទទួលពាក្យបណ្តឹងចំនួន២០មកពីគណបក្សនយោបាយចំនួនពីរ ។
យោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោតបានឲ្យដឹងរយៈពេលបួកថ្ងៃគឺចាប់ពីថ្ងៃទី២០ ដល់ថ្ងៃទី២៣ ខែឧសភា ឆ្នាំ២០១៧ នៃការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤ គ.ជ.ប បានឲ្យដឹងថា សកម្មភាពឃោសនាបោះឆ្នោតរបស់គណបក្សនយោបាយមានបានប្រព្រឹត្តិទៅដោយរលូនសន្តិសុខសណ្តាប់ធ្នាប់ល្អ និងគ្មានអំពើហិង្សា ។
គ.ជ.ប បានឲ្យដឹងថា នៅថ្ងៃទី២៣ ខែឧសភា ឆ្នាំ២០១៧ គណបក្សនយោបាយបានធ្វើសកម្មភាពឃោសនាដូចជាចុះចែកខិតប័ណ្ណ មួក អាវយឹត បដាពាក្យស្លោក ស្លាកសញ្ញាគណបក្សតាមផ្ទះ ចាក់មេក្រូតាមទីស្នាក់ការគណបក្សនយោបាយផ្សព្វផ្សាយសារនយោបាយចាក់មេក្រូចល័តតាមភូមិដោយប្រើមធ្យោបាយម៉ូតូ ម៉ូតូកង់បី ពីរ ឬបីគ្រឿង ។
គ.ជ.ប បានបញ្ជាក់ថា «តាមរបាយការណ៍ស្តីពីការដាក់ការទទួល និងការដោះស្រាយពាក្យបណ្តឹងឃើញថា រយៈពេលបួនថ្ងៃមានបណ្តឹងចំនួន២០ត្រូវបានដាក់នៅគណៈកម្មការឃុំ-សង្កាត់រៀបចំការបោះឆ្នោតក្នុងខេត្តចំនួន៨ ។ ក្នុងចំណោមបណ្តឹងទាំង២០មានចំនួន១៥បណ្តឹងជាបណ្តឹងរបស់គណបក្សប្រជាជនកម្ពុជា និងចំនួន៥បណ្តឹងជារបស់គណបក្សសង្គ្រោះជាតិ» ។
ប្រភពបន្ថែមថា ២បណ្តឹងជាបណ្តឹងរបស់គណបក្សប្រជាជនកម្ពុជាបានបន្តប្តឹងមកគណៈកម្មការរាជធានី-ខេត្តរៀបចំការបោះឆ្នោតដែលកើតមាននៅខេត្តតាកែវ និងខេត្តប៉ៃលិន ។ បណ្តឹងទាំងនេះត្រូវបានកំពុងដោះស្រាយ ៕
ចែករំលែកព័តមាននេះ