មនុស្សជាច្រើនបានត្អូញត្អែរអំពីការឈឺចង្កេះជារៀងរាល់ថ្ងៃ ។ ពួកគេព្យាយាមបត់ខ្លួនទៅមកដើម្បីចង់ឲ្យស្ថានភាពនេះមានភាពធូរស្រាល ហើយភាគច្រើនពួកគេស្តីបន្ទោសលើរឿងដែលពួកគេមិនអាចគ្រប់គ្រងបាន ។ ទោះជាយ៉ាងណា ក្តីជាញឹកញាប់ពួកគេប្រហែលជាដឹងពីមូលហេតុពិតប្រាកដ ហើយមិនអើពើ ឬពួកគេគិតថាមិនអាចដោះស្រាយវាបាន ។
១-នៅស្ងៀម
មនុស្សជាច្រើនគិតថានៅពេលដែលពួកគេឈឺចង្កេះ ពួកគេគួរតែគេងលើគ្រែ និងទុកឱ្យវាជាសះស្បើយដោយខ្លួនឯង ។ ស្ថានភាពនេះអាចត្រឹមត្រូវចំពោះករណីឈឺចង្កេះធ្ងន់មួយចំនួនដោយសារមានការប៉ះទង្គិចរាងកាយ ប៉ុន្តែការឈឺចង្កេះធម្មតា ហើយកើតឡើងរៀងរាល់ថ្ងៃអាចនឹងជាសះស្បើយនៅពេលអ្នកមានចលនាខ្លះៗ ។
២-គ្រឿងលេងម៉ូដ
ស្ត្រីជាច្រើនពាក់ស្បែកជើងកែងខ្ពស់ និងស្ពាយកាបូប ធ្ងន់ៗលើស្មាជារៀងរាល់ថ្ងៃ ។ វាប្រហែលជារឿងចាំបាច់ចំពោះស្ត្រីជាច្រើន ប៉ុន្តែការជ្រើសរើសម៉ូដទាំងនេះអាចបណ្តាលឱ្យពួកគេឈឺចង្កេះ និងបញ្ហាសុខភាពផ្សេងទៀត ។ ស្បែកជើងកែងរបស់នារីគ្រប់រូបគួរតែក្រោម២អុីង ប្រសិនបើត្រូវការឈរ ឬដើរជាប្រចាំថ្ងៃ ហើយកាបូបគួរតែមានទម្ងន់ក្រោម១០ផោនដើម្បីទប់ស្កាត់កុំឲ្យកើតបញ្ហាឈឺចង្កេះ ។
៣-ធ្វើការងារនៅនឹងតុ
មនុស្សភាគច្រើននាពេលបច្ចុប្បន្ននេះចំណាយពេលវេលារបស់ពួកគេនៅក្នុងការិយាល័យ និងអង្គុយធ្វើការនៅលើតុរយៈពេលប្រហែល៨ម៉ោង ឬច្រើនជាងនេះ និងបន្ទាប់មកអង្គុយនៅក្នុងរថយន្ត និងពេលទៅដល់ផ្ទះអង្គុយនៅលើសាឡុងមើលទូរទស្សន៍ ។ ការអង្គុយទាំងនេះអាចបង្កឱ្យមានបញ្ហាឈឺចង្កេះ។
៥-ខ្សោយសាច់ដុំ
សាច់ដុំស្នូល ជាពិសេសសាច់ដុំពោះ និងសាច់ដុំចង្កេះ ដែលជាប់នឹងឆ្អឹងខ្នងមានសារសំខាន់សម្រាប់ការទ្រទ្រង់ដល់ឆ្អឹងកងខ្នង។ ប្រសិនបើសាច់ដុំទាំងនេះខ្សោយ នឹងមានបញ្ហាឈឺចង្កេះ ។ មនុស្សគ្រប់រូបគួរតែធ្វើលំហាត់ប្រាណស្នូលមួយចំនួនឲ្យបានទៀងទាត់ដើម្បីបញ្ចៀសបញ្ហាឈឺចង្កេះ ។
៥-ស្ត្រេស
វាគឺជាបញ្ហាមួយដែលគ្រប់គ្នាសុទ្ធតែដឹងថា ភាពតានតឹងអាចប៉ះពាល់អវិជ្ជមានដល់សុខភាពរបស់បុគ្គលម្នាក់តាមវិធីជាច្រើន ។ ទោះជាយ៉ាងណាក្តី ស្ត្រេសអាចបណ្តាលឱ្យឈឺចាប់ក្នុងរាងកាយផងដែរ ប្រសិនបើមិនបានព្យាបាលឲ្យបានត្រឹមត្រូវ ។ អ្នកគួរតែមានវិធីមួយចំនួនដើម្បីបំបាត់ភាពតានតឹងជារៀងរាល់ថ្ងៃ មិនថាវាជាការដើររយៈពេល១០នាទី ឬការធ្វើសមាធិរយៈពេលមួយម៉ោង មនុស្ស ម្នាក់ៗនឹងមានវិធីផ្ទាល់ខ្លួនក្នុងការជួយឱ្យពួកគេបំបាត់ភាពតានតឹង និងការរស់នៅកាន់តែប្រសើរឡើងជារៀងរាល់ថ្ងៃ ៕
ចែករំលែកព័តមាននេះ