ចិន ៖ ប្រភពពី Metro ឱ្យដឹងថា បុរសម្នាក់ជាឪពុកឈ្មោះGao ត្រូវបានកូនប្រុសមានអាយុ៥ឆ្នាំ ហែកក្រដាសប្រាក់ចោលរហូតអស់ ចំនួន៥០០០០យន់ (ប្រហែលខ្ទង់៧០០០ដុល្លារសហរដ្ឋអាមេរិក) ដោយលោកបានឃើញបំណែកក្រដាសប្រាក់ជាច្រើន ពេញលើគ្រែ និងលើការ៉ូពេលគាត់ត្រឡប់មកផ្ទះវិញ ។
អ្វីដែលកាន់តែធ្វើឲ្យលោកពុលអារម្មណ៍ទៀតនោះ គឺខាងធនាគារមិនព្រមប្តូរក្រដាសប្រាក់ថ្មីឱ្យ ។ ប្រាក់ដែលត្រូវបានហែកចោលនោះ គឺជាប្រាក់ដែលលោកខ្ចីពីគេមកវិនិយោគក្នុងជំនួញ ។ តែនៅពេលនេះ លុយម៉ត់ដូចខ្ទឹម ដោយសារតែស្នាដៃកូនប្រុសតូចរបស់គាត់។ ខាងធនាគារបានប្រាប់លោក សុំឱ្យយកបំណែកក្រដាសប្រាក់បិទចូលគ្នាមួយៗ ដើម្បីអាចប្តូរបាន ។ ឮដូចនេះ លោកបានព្យាយាមខិតខំបិតអស់៣ថ្ងៃ រហូតទាល់តែក្រដាសប្រាក់៥០០សន្លឹក ត្រូវបានបិទរួច ។
ទោះបីជាកូនលោក ធ្វើឱ្យពិបាកយ៉ាងនេះក្តី ក៏លោកនៅតែនិយាយថា «ខ្ញុំមិនអាចបន្ទោសកូនប្រុសខ្ញុំឡើយ ព្រោះគាត់នៅក្មេង ហើយមិនទាន់យល់អ្វីទេ» ។
ចែករំលែកព័តមាននេះ