ចាំមើលពូជិះឡានធំអត់ដំបូលចេញឃោសនាថ្ងៃបិទវគ្គ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជាបានប្រកាសថា
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជាបានប្រកាសថា
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជាបានប្រកាសថា នឹងចុះធ្វើយុទ្ធនាការបោះឆ្នោតនៅតាមបណ្តាខេត្តនាក្នុងយុទ្ធនាការស្វែងរកសន្លឹកឆ្នោតនៃការបោះឆ្នោតជ្រើសរើសអ្នកតំណាងរាស្ត្រឆ្នាំ២០១៨ ។
សម្តេចតេជោបានសរសេរលើបណ្តាញសង្គមហ្វេសប៊ុកនៅថ្ងៃទី២៤ ខែឧសភា ឆ្នាំ២០១៧ ថាសម្តេចនឹងចុះធ្វើយុទ្ធនាការបោះឆ្នោតនៅថ្ងៃបិទយុទ្ធនាការបោះឆ្នោតឃុំ-សង្កាត់នៅថ្ងៃបិទ ហែរក្បូននៅរាជធានីភ្នំពេញ ។
សម្តេចបញ្ជាក់ថា «សុំអរគុណក្មួយ Vitou Sor ដែលចង់ឃើញពូធ្វើយុទ្ធនាការរកសម្លេងឆ្នោតនៅខេត្តសៀមរាប ។ ដោយសារពេលវេលាមានកំណត់ឆ្នាំនេះពូចូលរួមហែរក្បួនបិទយុទ្ធនាការនៅរាជធានីភ្នំពេញថ្ងៃ២ ខែមិថុនា ឆ្នាំ២០១៧ ។ ពូនឹងធ្វើដំណើរលើរថយន្តធុនធំអត់ដំបូលដូចសមាជិកបក្សផ្សេងទៀតដែរ ។ សំរាប់ការបោះឆ្នោតតំណាងរាស្ត្រឆ្នាំ២០១៨ពូនឹងទៅកាន់ខេត្តនាៗរាប់ទាំងខេត្តសៀមរាមផង ។ សូមក្មួយរង់ចាំទទួលពូផង» ។
ជាមួយគ្នានោះដែរសម្តេចក៏បានស្នើដល់ប្រជាពលរដ្ឋចំណាំសញ្ញាគណបក្សប្រជាជនកម្ពុជា «ទេវតាបាចផ្កា» និងបោះឆ្នោតឲ្យគណបក្សប្រជាជនទាំងអស់គ្នា ! ។
ចំពោះស្លាកសញ្ញាគណបក្សនយោបាយសម្តេចក៏បានសរសេរទៀតថា ដោយពិនិត្យឃើញថាបងប្អូនយើងមួយចំនួននៅបន្តស្រឡាញ់លេខ(៤)ដែលជាលេខរៀងគណបក្សយើងចាប់ឆ្នោតបាននៅឆ្នាំ២០០៨ និងឆ្នាំ២០១៣ ហើយប្រសិនជាបងប្អូនបោះឆ្នោតឲ្យលេខ(៤) អាចនឹងខុស ព្រោះការចាប់ឆ្នោតតាមឃុំនីមួយៗមិនដូចគ្នាទេ ឃុំខ្លះលេខ(១) ឃុំខ្លះលេខ(៣) ឃុំខ្លះលេខ(៤) ឬលេខ(៥)ឬលេខ(៦) ឬលេខ(៧) ឬលេខ(៨)។ល។ បងប្អូនចំណាំសញ្ញាគណបក្សយើងដែលមានសញ្ញាទេវតាបាចផ្កាជាការល្អជាង ៕
ចែករំលែកព័តមាននេះ