ព្រានព្រៃស្លា.ប់ដោយសារដំរី
«The Mirror» របស់អង់គ្លេសកាលពីពេល ថ្មីៗកន្លងមកផ្សាយថា លោកTheunis Botha អាយុ៥១ឆ្នាំ ជាម្ចាស់ក្រុមហ៊ុនរកតម្រៃជើងសានាំភ្ញៀវទេសចរបរបា.ញ់សត្វព្រៃកម្សាន្ដបានស្លា.ប់បាត់បង់ជីវិត
«The Mirror» របស់អង់គ្លេសកាលពីពេលថ្មីៗកន្លងមកផ្សាយថា លោក Theunis Botha អាយុ៥១ឆ្នាំ ជាម្ចាស់ក្រុមហ៊ុនរកតម្រៃជើងសានាំភ្ញៀវទេសចរបរបាញ់សត្វព្រៃកម្សាន្ដបានស្លាប់បាត់បង់ជីវិត ព្រោះដំរីដួលសង្កត់លើ ។ លោកចេញបរបាញ់សត្វនៅក្នុងភូមិដាច់ស្រយាល ក្នុងខេត្ដម៉េតាបែឡេលែនសៅ ភាគខាងត្បូងប្រទេសស៊ីមបាវ៉េ ។
ដំរីព្រៃញីមួយក្បាលក្នុងចំណោម៤ក្បាល ដែលក្រុមព្រានព្រៃបាញ់ត្រូវនោះប្រើប្រមោយចាប់ទាញលោក Botha ក្នុងពេលលោកកំពុងតម្រង់កាំភ្លើងបាញ់ដំរីផ្សេង ។ ស្របពេលនោះមិត្ដភក្ដិរបស់លោកBotha បាញ់ដំរីនោះបន្ថែមបណ្ដាលឱ្យវាងាប់ និងដួលរលំលើលោកតែម្ដង ។ ដំរីក៏ងាប់ លោកBotha ក៏ស្លាប់ ។ មិត្ដភក្ដិដែលដើរបរបាញ់សត្វជាមួយគ្នានោះ ចាត់ទុកលោកBotha គឺជាវីរបុរស ។
លោកBotha មានស្រុកកំណើតនៅក្រុងសានីន អាហ្វ្រិកខាងត្បូងបានបើកក្រុមហ៊ុនរកកម្រៃជើងសានាំភ្ញៀវទេសចរជាអ្នកមានចូលបរបាញ់សត្វព្រៃកម្សាន្ដ តាំងពីឆ្នាំ១៩៨០មក ។
បណ្ដាអ្នកស្រឡាញ់សត្វជាច្រើនបានសម្ដែងការសោកស្ដាយចំពោះការងាប់របស់ដំរីមួយក្បាលនោះដោយស្នាដៃព្រានព្រៃ ៕
ចែករំលែកព័តមាននេះ