អ៊ីរ៉ង់ ៖ តាមប្រភពពី Metro ឱ្យដឹងថា ប្រធានាធិបតីអ៊ីរ៉ង់ បានធ្វើការវាយប្រហារពាក្យសម្តីទៅលើប្រធានាធិបតីអាមេរិកលោកដូណាល់ ត្រាំ (Donald Trump) ថា លោកមានចិត្តឆេវឆាវ មិនមានស្ថិរភាព ។ លោកប្រធានាធិបតីអ៊ីរ៉ង់ Hassan Rouhani អាយុ៦៨ឆ្នាំ បានមានប្រសាសន៍ថា ទំនាក់ទំនងជាមួយសហរដ្ឋអាមេរិក អាចនឹងមានភាពបត់បែន ដូចទៅនឹងផ្លូវកោង។
អ៊ីរ៉ង់ ៖ តាមប្រភពពី Metro ឱ្យដឹងថា ប្រធានាធិបតីអ៊ីរ៉ង់ បានធ្វើការវាយប្រហារពាក្យសម្តីទៅលើប្រធានាធិបតីអាមេរិកលោកដូណាល់ ត្រាំ (Donald Trump) ថា «លោកមានចិត្តឆេវឆាវ មិនមានស្ថិរភាព» ។
លោកប្រធានាធិបតីអ៊ីរ៉ង់ Hassan Rouhani អាយុ៦៨ឆ្នាំ បានមានប្រសាសន៍ថា ទំនាក់ទំនងជាមួយសហរដ្ឋអាមេរិក អាចនឹងមានភាពបត់បែន ដូចទៅនឹងផ្លូវកោង។
លោកបន្ថែមថា ប្រជាជនអ៊ីរ៉ង់កំពុងតែរង់ចាំឲ្យរដ្ឋាភិបាលអាមេរិកមានចិត្តនឹងនរ ។ លោកបានមានប្រសាសន៍ថា «យើងសង្ឃឹមថារឿងរ៉ាវនឹងអាចដោះស្រាយ ដើម្បីឲ្យយើងអាចធ្វើការសម្រេចចិត្តឲ្យកាន់តែជាក់លាក់ ។ អាមេរិកមិនយល់ពីតំបន់យើងទេ។ ពួកគេតែងតែប្រព្រឹត្តខុសនៅក្នុងតំបន់របស់យើង។ ពោលគឺនៅពេលពួកគេវាយប្រហារមកអាហ្គានីស្ថាននិងអ៊ីរ៉ាក់ និងនៅពេលពួកគេដាក់ទណ្ឌកម្មគំនាបប្រឆាំងនឹងអ៊ីរ៉ង់ ។ អាមេរិកក៏បានប្រព្រឹត្តខុសនៅប្រទេសស៊ីរី ក៏ដូចជាប្រទេសយេម៉ែន» ។
ដោយសារតែពាក្យសម្តីលោកប្រធានាធិបតីអ៊ីរ៉ង់ ត្រូវលោក Donald Trump បានប្រាប់ឱ្យបណ្តាប្រទេស នៅភាគខាងកើត កណ្តាល ឲ្យទុកប្រទេសអ៊ីរ៉ង់នៅម្នាក់ឯង កណ្តោចកណ្តែង។ គួរបញ្ជាក់ថា លោកប្រធានាធិបតី Donald Trump ក៏បានធ្វើការរិះគន់ម្តងទៀតទៅលើប្រទេសអ៊ីរ៉ង់ នៅពេលលោកធ្វើទស្សនកិច្ចនៅប្រទេសអ៊ីស្រាអែលថ្ងៃនេះ ។
ចែករំលែកព័តមាននេះ