សហរដ្ឋអាមេរិកនាដើមខែឧសភា ដាក់ឱ្យដំណើរការប្រព័ន្ធការពារប្រឆាំងមីស៊ីល THAAD របស់ខ្លួននៅកូរ៉េខាងត្បូង ចំណែកកូរ៉េខាងជើងវិញនាថ្ងៃទី២១ ឧសភា បានបា.ញ់សាកមីស៊ីលបាលីស្ទិករយៈមធ្យមថ្មី ។ សកម្មភាព
សហរដ្ឋអាមេរិកនាដើមខែឧសភា ដាក់ឱ្យដំណើរការប្រព័ន្ធការពារប្រឆាំងមីស៊ីល THAAD របស់ខ្លួននៅកូរ៉េខាងត្បូង ចំណែកកូរ៉េខាងជើងវិញនាថ្ងៃទី២១ ឧសភា បានបាញ់សាកមីស៊ីលបាលីស្ទិករយៈមធ្យមថ្មី ។ សកម្មភាពយោធាទាំងនេះជាកម្មវត្ថុនៃកិច្ចប្រជុំរុស្ស៊ី-ចិនមួយស្តីពីសន្តិសុខនៅអាស៊ីភាគឦសាន ។
ក្រោយកិច្ចប្រជុំនេះ ក្រសួងការបរទេសរុស្ស៊ីប្រកាសនាថ្ងៃទី២២ ឧសភា ថា ការបាញ់មីស៊ីលរបស់កូរ៉េខាងជើង និងបណ្តាសកម្មភាពយោធារបស់ក្រុងវ៉ាស៊ីនតោននៅអាស៊ីជាប្រភពនៃការព្រួយបារម្ភសម្រាប់រុស្ស៊ី និងចិន ។ យើងបានផ្លាស់ប្តូរទស្សនៈគ្នាលើសភាពការណ៍នៅឧបទ្វីបកូរ៉េ និងនៅអាស៊ីភាគឦសាន ។ យើងសម្តែងការព្រួយបារម្ភរួមរបស់យើងប្រឈមមុខនឹងការស្រុតចុះដុនដាបនៃសភាពការណ៍ក្នុងតំបន់ ព្រោះតែការអនុវត្តកម្មវិធីបាលីស្ទិក និងនុយក្លេអ៊ែរ របស់ក្រុងព្យុងយ៉ាង ព្រមទាំងសកម្មភាពយោធារបស់សហរដ្ឋអាមេរិក និងសម្ព័ន្ធមិត្ត ពិសេសតាមរយៈការដាក់ពង្រាយប្រព័ន្ធការពារប្រឆាំងមីស៊ីល THAAD នៅកូរ៉េខាងត្បូង ។
កូរ៉េខាងជើងកាលពីថ្ងៃទី២១ ឧសភា បានសាកមីស៊ីលរយៈមធ្យម ។ ក្រុមប្រឹក្សាសន្តិសុខ អ.ស.ប បើកកិច្ចប្រជុំបន្ទាន់មួយនាថ្ងៃទី២៣ ឧសភា អំពីរឿងនេះតាមសំណើរបស់សហរដ្ឋអាមេរិក ជប៉ុន និងកូរ៉េខាងត្បូង ហើយថ្កោលទោស រួចព្រមានពីការដាក់ទណ្ឌកម្មថែមទៀត។ ទោះបីយ៉ាងណា ការបាញ់មីស៊ីលរបស់កូរ៉េខាងជើងពុំមែនជាមូលហេតុតែមួយគត់ ដែលបង្កើនភាពតានតឹងនៅអាស៊ីឡើយ ។ សហរដ្ឋអាមេរិកនាពេលថ្មីៗនេះដាក់ពង្រាយប្រព័ន្ធមីស៊ីល THAAD នៅកូរ៉េខាងត្បូង ។ ក្រុងប៉េកាំងចាត់ទុករឿងនេះថាជាការគំរាមកំហែងមួយចំពោះខ្លួន និងសន្តិសុខតំបន់៕
ចែករំលែកព័តមាននេះ