រាជធានីភ្នំពេញ ៖ បន្ទាប់ពីគណៈកម្មាធិការជាតិរៀបចំការបោះឆ្នោតបានអនុញ្ញាតឲ្យគណបក្សនយោបាយ ដែលចាប់ចុះបញ្ជីបេក្ខជនឈរនៅ គ.ជ.ប ចាប់ផ្តើមយុទ្ធនាការបោះឆ្នោតនៅថ្ងៃទី២០ ខែឧសភា នោះមេបក្សប្រឆាំងបានប្រកាសថា នឹងចួលរួមធ្វើយុទ្ធនាឃោសនាការបោះឆ្នោតនៅទូទាំងប្រទេស ។
សេចក្តីប្រកាសព័ត៌មានរបស់គណបក្សសង្គ្រោះជាតិបានឲ្យដឹងថាលោក កឹម សុខា ប្រធានគណបក្សសង្គ្រោះជាតិ នឹងចូលធ្វើយុទ្ធនាការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០១៧ ចាប់ពីថ្ងៃទី២០ ខែឧសភា រហូតដល់ថ្ងៃទី២ ខែមិថុនា នៅតាមបណ្តារាជធានីខេត្ត ទាំង ២៥ ទូទាំងប្រទេស ។
ការប្រកាសចុះធ្វើយុទ្ធនាការឃោសនាបោះឆ្នោតនេះ ស្របពេលដែលគណបក្សសង្គ្រោះជាតិនឹងរៀបចំការជួបជុំសមាជិកសមាជិក សកម្មជន និងអ្នកគាំទ្រគណបក្សសង្គ្រោះជាតិ នៅទីតាំងផ្លូវ ៦០ម៉ែត្រ ស្ថិតនៅក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដើម្បីដង្ហែរក្បូនឃោសនាបោះឆ្នោតសម្រាប់ការបោះឆ្នោតជ្រើសរើសក្រុម ប្រឹក្សាឃុំ សង្កាត់ អាណត្តិទី៤ ឆ្នាំ២០១៧ ។
ចែករំលែកព័តមាននេះ