ទើបតែអាយុ14ឆ្នាំសោះហ៊ានប៉ុនប៉ងរំលោ.ភសេពសន្ថវៈកុមារីអាយុ6ឆ្នាំ
រាជធានីភ្នំពេញ ៖ លោក ម៉ុង មុន្នីសោភា ចៅក្រមសាលាដំបូងរាជធានីភ្នំពេញកាលពីព្រឹកថ្ងៃទី១៩ ខែឧសភា ឆ្នាំ២០១៧ បានប្រកាសសាលក្រមសម្រេចផ្តន្ទាទោសលើជនជាប់ចោទម្នាក់
រាជធានីភ្នំពេញ ៖ លោក ម៉ុង មុន្នីសោភា ចៅក្រមសាលាដំបូងរាជធានីភ្នំពេញកាលពីព្រឹកថ្ងៃទី១៩ ខែឧសភា ឆ្នាំ២០១៧ បានប្រកាសសាលក្រមសម្រេចផ្តន្ទាទោសលើជនជាប់ចោទម្នាក់ឈ្មោះ ណុប បញ្ញា ហៅ ធី អាយុ១៤ឆ្នាំ ជាសិស្សថ្នាក់ទី៦ ដាក់ពន្ធនាគារកំណត់៣ឆ្នាំ ៦ខែ ពីបទ«ប៉ុនប៉ងរំលោភសេពសន្ថវៈ» អនិតិជន ។ សាលក្រមបានទុកសិទ្ធិឲ្យដើមបណ្តឹង និងចុងចោទប្តឹងឧទ្ធរណ៍តាមកំណត់ច្បាប់ ។
សូមបញ្ជាក់ថា កាលពីព្រលប់ថ្ងៃទី៩ ខែកុម្ភៈ ឆ្នាំ២០១៧ ជនជាប់ចោទត្រូវបានសមត្ថកិច្ចនគរបាលប៉ុស្តិ៍កាកាប ខណ្ឌពោធិសែនជ័យ ឃាត់ខ្លួនតាមពាក្យបណ្តឹងរបស់ម្តាយកុមារីអាយុ៦ឆ្នាំ ដែលជាជនរងគ្រោះពាក់ព័ន្ធថា បានរំលោភសេពសន្ថវៈលើកូនស្រីគាត់ ។ អង្គហេតុបានបញ្ជាក់ទៀតថា កាលពីវេលាម៉ោង៧និង១៥នាទីយប់ ថ្ងៃទី៩ ខែកុម្ភៈ ឆ្នាំ២០១៧ នៅផ្សារតាំងក្រសាំង ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ក្មេងប្រុសឈ្មោះ ណុប បញ្ញា ហៅធី ដែលឪពុកឈ្មោះ ណុប សារិទ្ធ អាយុ៣៦ឆ្នាំ មុខរបរលក់ស្បែកជើង នៅផ្សារតាំងក្រសាំង និងម្តាយឈ្មោះ សៅ ចិន្តា អាយុ៣៥ឆ្នាំ មុខរបរអ៊ុតសក់ ស្នាក់ផ្ទះជួល ក្នុងភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ។ តាមពាក្យបណ្តឹងខាងម្តាយកុមារីបន្តថា រាល់ថ្ងៃកូនស្រីគាត់តែងតែចូលលេងក្នុងផ្សារតាំងក្រសាំងជាមួយក្មេងប្រុសដោយសារចាស់ៗសុទ្ធតែជាអ្នកស្គាល់គ្នា ។ លុះវេលាម៉ោងខាងលើម្តាយកំពុងរៀបចំអីវ៉ាន់ស្រាប់តែកូនស្រីរត់ចេញពីផ្សារទាំងយំសស្រាក់ និងមានឈាមប្រឡាក់អាវជោក ពេលឃើញដូច្នោះម្តាយបានសួរកូនថា «ហេតុអីបានជាកូនយំ» នាងឆ្លើយប្រាប់ម្តាយភ្លាមថា «ឈ្មោះ ធី ចាប់ឱបកូនហើយរំលោភរហូតមានឈាមតាមទ្វាមាស» ។
ការចោទប្រកាន់ពីសំណាក់អាណាព្យាបាលជនរងគ្រោះនោះត្រូវបានក្មេងប្រុសដែលជាជនជាប់ចោទសារភាពថា ខ្លួនពិតជាបានឱបប្រលែងលេងជាមួយក្មេងស្រីរងគ្រោះនោះមែន និងគ្រាន់តែបានយកប្រដាប់ភេទរបស់ខ្លួនទៅញល់ប្រដាប់ភេទកុមារីតិចៗទេមិនដល់ថ្នាក់ស៊ីជំរៅនោះឡើយ ។ ទោះជាយ៉ាងណាចម្លើយនេះហើយដែលពាក់ពន្ធទៅនឹងបទល្មើសប៉ុនប៉ងរំលោភសេពសន្ថវៈនោះ ដូច្នេះជនជាប់ចោទតម្រូវឲ្យសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីចាត់ការតាមផ្លូវច្បាប់ ៕
ចែករំលែកព័តមាននេះ