ខេត្តបន្ទាយមានជយ័ ៖ អាជ្ញាធរថៃបានបញ្ជូនពលរដ្ឋខ្មែរ១០នាក់ ក្នុងចំណោម១៩នាក់ដែលចូលទៅកា.ប់ឈើគ្រញូង មកកម្ពុជាវិញតាមច្រកទ្វារប៉ោយប៉ែត ខេត្តបន្ទាយមានជយ័ កាលពីម៉ោង០៩យប់មិញ ពលរដ្ឋខ្មែរ ១០នាក់ ក្នុងចំណោម ១៩នាក់ ដែលអាជ្ញាធរថៃចាប់ខ្លួនពេលចូលទៅ កា.ប់ឈើគ្រញូងក្នុងដីថៃ នោះត្រូវបានដោះលែងវិញហើយ ក្រោយមានការអន្តរាគមន៍ ពីមន្ត្រីស្ថានអគ្គកុងស៊ុលខ្មែរនៅខេត្តសាកែវ ។
ខេត្តបន្ទាយមានជយ័ ៖ អាជ្ញាធរថៃបានបញ្ជូនពលរដ្ឋខ្មែរ១០នាក់ ក្នុងចំណោម១៩នាក់ដែលចូលទៅកាប់ឈើគ្រញូង មកកម្ពុជាវិញតាមច្រកទ្វារប៉ោយប៉ែត ខេត្តបន្ទាយមានជយ័ កាលពីម៉ោង០៩យប់មិញ ពលរដ្ឋខ្មែរ ១០នាក់ ក្នុងចំណោម ១៩នាក់ ដែលអាជ្ញាធរថៃចាប់ខ្លួនពេលចូលទៅ កាប់ឈើគ្រញូងក្នុងដីថៃ នោះត្រូវបានដោះលែងវិញហើយ ក្រោយមានការអន្តរាគមន៍ ពីមន្ត្រីស្ថានអគ្គកុងស៊ុលខ្មែរនៅខេត្តសាកែវ ។
សូមជំរាបថា ពលរដ្ឋខ្មែរទាំង ១០នាក់ ត្រូវបានដោះលែងនៅម៉ោង ៣រសៀលថ្ងៃទី១៨ ខែឧសភា ឆ្នាំ២០១៧ នេះ ជាមួយនឹងការបង់ផាកពិន័យក្នុងម្នាក់ៗ ២៥០០បាត ពីបទឆ្លងដែនខុសច្បាប់ ។ ពលរដ្ឋខ្មែរទាំង ១០នាក់នេះ ដែលសុទ្ធតែជាអ្នកខេត្តបន្ទាយមានជ័យ ត្រូវអាជ្ញាធរថៃបញ្ជូនមកកម្ពុជាវិញ តាមច្រកទ្វារអន្តរជាតិប៉ោយប៉ែត កាលពីវេលាម៉ោង០៩យប់មិញនេះ ។
សូមបញ្ជាក់ថា ពលរដ្ឋខ្មែរទាំង ១០រូបនេះ ត្រូវបានសមត្ថកិច្ចថៃចាប់ខ្លួនកាលពីថ្ងៃទី១៤ ខែឧសភា ឆ្នាំ២០១៧ កន្លងទៅនេះ ពេលពួកគេឆ្លងដែនទៅកាប់ឈើគ្រញូង នៅក្នុងស្រុកមឿងសាកែវ ខេត្តសាកែវ ។ មន្ត្រីស្ថានអគ្គកុងស៊ុលខ្មែរនៅខេត្តសាកែវ ក៏កំពុងជួយអន្តរាគមន៍ជួយដល់ពលរដ្ឋខ្មែរ ៩នាក់ផ្សេងទៀតផងដែរ ៕
ចែករំលែកព័តមាននេះ