ស្រាវជ្រាវ » ប្លែក​ៗ ពី​នេះ​...​ពី​នោះ

ហ៊ឺ! ពេល​ខ្លះ​មានសុដន់​ធំ​ មិន​ប្រាកដ​ថា ...ស្រួលទេ

ដោយ ៖ គង់ រិទ្ឋរីណា   

ថ្ងៃព្រហស្បតិ៍ ទី១៨ ខែឧសភា ឆ្នាំ២០១៧ ម៉ោង ១៥:៥១   (18-05-2017 15:51)

អង់គ្លេស​ ៖ តាម​ប្រភពី​ Metro​ ឱ្យ​ដឹង​ថា ស្ត្រី​ម្នាក់​បាន​ត្អួ​ញ​ត្អែ​រ​ពី​ផល​ពិបាក​នៃ​ការ​​មាន​សុដន់​ធំ​ ។ អ្នកស្រី Rachel Brookes ដែល​មានកូន​​ចំនួន​៥នាក់បានរៀបរាប់​​ថា សុដន់​ដ៏​​ធំ​ពី​ធម្មជាតិ​របស់គាត់​ គឺ​មិន​ត្រឹមតែ​ធ្វើ​ឱ្យ​មាន​បញ្ហា​សុខភាព​ប៉ុណ្ណោះ​ទេ ​ថែម​ទាំង​ធ្វើ​ឲ្យ​គាត់​មាន​ការ​អៀនខ្មាស់​​យ៉ាងខ្លាំង ​។

ស្ត្រី​អាយុ​៤៣​ឆ្នាំ​រូប​នេះ​បង្ហើប​ឲ្យ​ដឹង​ថា អ្នកស្រី​ចាប់ផ្តើម​ឡើង​សុដន់​នៅ​អាយុ​១៦​ឆ្នាំ ហើយ​វា​បន្ត​ឡើង​ដ៏​ទំហំ​​ថ្ងៃនេះ នៅ​ពេល​អ្នកស្រី​មានកូន​ជា​បន្តបន្ទាប់​ ។ ដោយសារ​តែ​សុដន់​មហា​​ធំនេះ អ្នកស្រី​បាន​បញ្ជា​ទិញ អាវទ្រនាប់​ពិសេស ​ដែល​មាន​ទំហំ​ធំ​ពី​អា​មេ​រិ​ក ដែល​មាន​​​តម្លៃ​១២០​ដុល្លា​រ ។

នៅ​ពេល​អ្នកស្រី​ទៅ​ពិនិត្យ​រក​ជំងឺ​មហារីក​​សុដន់ អ្នកស្រី​ដឹង​ថា​ សុដន់​របស់​អ្នកស្រី​ទាំង​គូ​មាន​ទម្ងន់​ជិត​២០​គីឡូក្រាម​។ ជាង​នេះ​ទៅ​ទៀត វា​បាន​ធ្វើ​ឲ្យ​អ្នកស្រី​ មានការ​ឈឺ​ចុកចាប់​នៅ​ត្រង់ ឆ្អឹងខ្នង ក និងខូច​ទ្រង់ទ្រាយ​ខ្លួនប្រាណ​។ ជា​ពិសេស​នៅ​ពេល​អ្នកស្រី​ជិះ​រថភ្លើង​ផ្តាច់​ព្រលឹង Rollercoaster អ្នកស្រី​មិន​អាច​ដកដង្ហើម​បាន​ទេ ព្រោះ​ដែក​ការពារ​សុវត្ថិភាព​គៀប​សុដន់​អ្នកស្រី​ ។

លើស​ពី​នេះ វា​ពិតជា​យ៉ាប់​ណាស់ ​នៅ​ពេល​អ្នកស្រី​អោន​ធ្វើ​សកម្មភាព​ផ្សេង​ៗ​ ។ រស់នៅ​ជាមួយនឹង​ការ​មាន​សុដន់​ធំ ធ្វើ​ឲ្យ​អ្នកស្រី​មិន​ហ៊ាន​ទៅ​ហែល​ទឹក​អស់​ជិត​១០​ឆ្នាំ​ហើយ ។