រឿងលក់ឱសថមិនដឹងថា គេគោរពបានឬអត់ទេ…
រាជធានីភ្នំពេញ ៖ ដើម្បីលើកកម្ពស់វិស័យសុខាភិបាល ជាពិសេសឱសថស្ថានយល់ដឹងពីការប្រើប្រាស់ និងលក់ឱសថដែលមានគុណភាព ជៀសវាងការលក់ឱសថហួសសុពលភាព និង
រាជធានីភ្នំពេញ ៖ ដើម្បីលើកកម្ពស់វិស័យសុខាភិបាល ជាពិសេសឱសថស្ថានយល់ដឹងពីការប្រើប្រាស់ និងលក់ឱសថដែលមានគុណភាព ជៀសវាងការលក់ឱសថហួសសុពលភាព និងឱសថដែលខុសច្បាប់ និងការធ្វើការងារប្រកបដោយវិជ្ជាជីវៈ មន្ទីរសុខាភិបាលរាជធានី និងសមាគមអ្នកលក់ឱសថកម្ពុជាបានបើកសិក្ខាសាលាអប់រំអ្នកលក់ឱសថនៅក្នុងរាជធានីភ្នំពេញ។
សិក្ខាសាលាស្តីពី «ការប្រើប្រាស់ឱសថ និងការលក់ឱសថ» ដែលរៀបចំឡើងដោយមន្ទីរសុខាភិបាលនៅភ្នំពេញ សហការដោយសមាគមអ្នកលក់ឱសថកម្ពុជា និងសមាគមយុវជនសេដ្ឋកិច្ចកម្ពុជា បានធ្វើនៅសណ្ឋាគារ High Sky កាលពីពេលថ្មីៗកន្លងមកនេះ ដែលមានម្ចាស់ឱសថស្ថានជាច្រើនកន្លែងក្នុងរាជធានីភ្នំពេញចូលរួម ។ ជាងនេះក៏មានការចូលរួមពីតំណាងមន្ទីរសុខាភិបាលរាជធានីភ្នំពេញ និងភាគីពាក់ព័ន្ធជាច្រើន។
លោក ឡី សុភាព ប្រធានសមាគម អ្នកលក់ឱសថកម្ពុជា និងជាប្រធានសមាគម សហព័ន្ធវិនិយោគគិន បានលើកឡើងថាសិក្ខាមានគោលបំណងដើម្បីលើកកម្ពស់ វិស័យសុខាភិបាល ជាពិសេសឱសថស្ថាន យល់ដឹង ពីការប្រើប្រាស់ និងលក់ឱសថ ដែលមានគុណភាព ជៀវាងការលក់ឱសថ ហួសសុពលភាព និងឱសថ ដែលខុសច្បាប់ និងប្រកបដោយវិជ្ជាជីវៈនៅក្នុងប្រទេសកម្ពុជា។
ចែករំលែកព័តមាននេះ