ម៉ាឡេស៊ី ៖ តាមប្រភពព័ត៌មាន Viral4real បានឲ្យដឹងថា នារីជនជាតិម៉ាឡេស៊ីម្នាក់បានជះលុយ១១.៤លានប៉េសូ (ប្រហែល៦០ម៉ឺនដុល្លារ) ឲ្យទៅមិត្តស្រីរបស់បុរសដែលខ្លួនលង់ស្នេហ៍ (Crush) ដើម្បីឲ្យពួកគេបែកគ្នា។ ពិតជាមិនធម្មតាមែន !
ការលង់ស្រឡាញ់នរណាម្នាក់ជារឿងធម្មតាទេក្នុងជីវិត។ តែបើហ៊ានតែជ្រុលធ្វើដូចនារីស្រស់សោភាខាងលើ គឺប្រាកដជាមិនល្អទេ។
នារីម្នាក់នោះ ដែលត្រូវបានគេស្គាល់ថា មានឈ្មោះ Jocye Lee បានផ្ញើសារទៅមនុស្សប្រុសដែលខ្លួនស្រឡាញ់តែម្ខាង ឈ្មោះថា Danny Tan សឹងតែជារៀងរាល់ថ្ងៃ។ នាងបានផ្ញើជារូបថត និងរៀបរាប់ប្រាប់ពីនេះពីនោះពាក់ព័ន្ធនឹងជីវិតនាងប្រចាំថ្ងៃ ដែលទាំងនោះសុទ្ធតែជាអ្វីដែលខាងប្រុសមិនចាំបាច់ត្រូវដឹង។
ខាងប្រុសដែលមានមិត្តស្រីរួចហើយ មានអារម្មណ៍ធុញទ្រាន់នឹងទង្វើរបស់ Jocye យ៉ាងខ្លាំង នៅពេលនាងបន្តផ្ញើសារ និងតេមកគាត់មិនឈប់។ នាងហៅគាត់សុទ្ធតែ «ប្តីសម្លាញ់» «ស្នេហារបស់ខ្ញុំអើយ» ហើយថែមទាំងថតរូបខ្លួននាងផ្ញើឲ្យគាត់មើលថែមទៀតផង។
Danny ដែលជាខាងប្រុសបានប្រាប់នាងឲ្យឈប់ធ្វើបែបនេះតទៅទៀត ព្រោះវាកាន់តែលើសហើយ។ គាត់បានប្រាប់ថា ទោះបីជាគាត់ដូរគណនេយ្យហ្វេសប៊ុកប៉ុន្មានដង ឬដូរលេខទូរស័ព្ទប៉ុន្មានដងក៏ដោយ ក៏នាងនៅតែអាចរកឃើញទាល់តែបាន។
អ្វីដែលកាន់តែលើសខ្លាំងនោះ គឺនាងបានទាក់ទងទៅខាងមិត្តស្រីរបស់លោក Danny ឲ្យដើរចេញពីរូបលោក ដោយសន្យានឹងផ្តល់ជូនប្រាក់៦០ម៉ឺនដុល្លារ។
មានមហាជននៅលើបណ្តាញសង្គមជាច្រើនបានទាក់ចិត្តនឹងរឿងនេះ ព្រោះ Jocye មានសម្រស់ស្រស់ស្អាត ក្មេងត្រឹម៣៨ឆ្នាំ ហើយមានលុយច្រើន។ ពួកគេបន់ឲ្យតែនាងមកលង់ស្នេហ៍ពួកគេទេ៕
ចែករំលែកព័តមាននេះ