ភាពខុសគ្នារវាងបំពេញការងារតែម្នាក់ និងជាក្រុម
តើការធ្វើការតែម្នាក់ និងជាក្រុមមានលក្ខណៈខុសគ្នាទៅលើចំណុចអ្វីខ្លះ ? យើងមកសិក្សាដូចខាងក្រោម ៖
១-ភាពឆាប់រហ័សនៃការងារ ៖
ធ្វើការតែម្នាក់ ៖ កា
តើការធ្វើការតែម្នាក់ និងជាក្រុមមានលក្ខណៈខុសគ្នាទៅលើចំណុចអ្វីខ្លះ ? យើងមកសិក្សាដូចខាងក្រោម ៖
១-ភាពឆាប់រហ័សនៃការងារ ៖
ធ្វើការតែម្នាក់ ៖ កា
តើការធ្វើការតែម្នាក់ និងជាក្រុមមានលក្ខណៈខុសគ្នាទៅលើចំណុចអ្វីខ្លះ ? យើងមកសិក្សាដូចខាងក្រោម ៖
១-ភាពឆាប់រហ័សនៃការងារ ៖
ធ្វើការតែម្នាក់ ៖ ការធ្វើការងារគ្រប់យ៉ាងអាស្រ័យលើតែម្នាក់ គឺមិនអាចសម្រេចបានឆាប់រហ័សដូចយើងគិតទេ ហៅថា ការងារសម្រេចលឿន ប៉ុន្តែនឿយហត់ ព្រោះការងារនីមួយៗត្រូវអាស្រ័យលើជំនាញខុសៗគ្នា ។ ប្រសិនបើយើងត្រូវធ្វើការដែលមិនធ្លាប់ធ្វើពីមុនមក យើងនឹងមានអារម្មណ៍ថា ការងារនោះមិនរលូន និងខ្វះខាត ។
ធ្វើការជាក្រុម ៖ ការងារណាមួយដែលមិនធ្លាប់ធ្វើមកពីមុន យើងអាចឲ្យអ្នកមានជំនាញជាងធ្វើជំនួសបាន ។ ជាក់ស្តែង ការងារបែបបញ្ជូនតគ្នា គឺជួយឲ្យការងារនោះឆាប់រហ័ស ដោយគ្រាន់តែធ្វើការរបស់យើងឲ្យល្អបំផុត ខណៈមិត្តរួមការងារផ្សេងទៀតធ្វើការរបស់គេបន្ត ហើយការងារនឹងសម្រេចឆាប់រហ័សស្មើៗគ្នា ។
២-សហការសម្រេចចិត្ត ៖
ធ្វើការតែម្នាក់ ៖ ការធ្វើការតែម្នាក់ឯង ធ្វើឲ្យយើងអាចសម្រេចចិត្តយ៉ាងឆាប់រហ័ស ព្រោះមិនចាំបាច់រង់ចាំការសម្រេចចិត្តពីអ្នកដទៃ គ្រាន់តែយើងមានទំនុកចិត្តលើសមត្ថភាពរបស់ខ្លួន ហើយដឹងថា ការសម្រេចចិត្តនោះនឹងប៉ះពាល់ដល់ការងារដែរឬទេ ។
ធ្វើការជាក្រុម ៖ អាចនឹងខាតពេលវេលាក្នុងការរង់ចាំគំនិតពីអ្នកដទៃ ប៉ុន្តែគ្រប់គ្នានៅក្នុងក្រុមមានចំណែករួមដើម្បីបង្កើតទំនុកចិត្តថា បានធ្វើតាមគំនិតរួម មិនមែនជាគំនិតរបស់បុគ្គលណាម្នាក់ ។ ក្នុងករណីមានកំហុសឆ្គងកើតឡើង យើងក៏មិនចាំបាច់មកបន្ទោសថា ជាកំហុសរបស់អ្នកណាម្នាក់ ព្រោះគ្រប់គ្នាត្រូវទទួលខុសត្រូវរួមគ្នា ដែលធ្វើឲ្យកាន់តែមានការពាក់ព័ន្ធក្នុងក្រុម ។
៣-ការបង្កើតគំនិត ៖
ធ្វើការតែម្នាក់ ៖ ការធ្វើការជាបុគ្គលមិនអាចបង្កើតគំនិតច្រើនទេ ឬបើគិតឲ្យបានច្រើន យើងក៏ត្រូវគិតឲ្យដូចជាមានមនុស្សច្រើនជួយគិតគ្នា គាំទ្រគ្នា ប្រើកម្លាំងធ្វើការច្រើន និងហត់នឿយលើសដើម ។
ធ្វើការជាក្រុម ៖ ការងារជាក្រុមអាចទទួលបានគំនិតច្រើន ខណៈមានមនុស្សជាច្រើនជួយគិត អាចយកទៅអនុវត្តបានច្រើន គ្រប់គ្នាមានចំណែករួមក្នុងការងារ និងបញ្ចេញគំនិតស្វែងរកចំណុចល្អបំផុត ។
៤-ការបង្កើតសម្ព័ន្ធភាព ៖
ធ្វើការតែម្នាក់ ៖ ការធ្វើការតែម្នាក់ឯង យើងស្ទើរតែគ្មានឱកាសបានចងសម្ព័ន្ធភាព ឬជជែកជាមួយអ្នកដទៃដើម្បីប្តូរមតិយោបល់ ។ បើយើងកំពុងរកចម្លើយតបដល់ការងារដែលកំពុងធ្វើ យើងនឹងគិតតែម្នាក់ឯង គ្មានអ្នកផ្តល់ប្រឹក្សា ហើយអាចកើតស្ត្រេសបាន ។
ធ្វើការជាក្រុម ៖ ការងារជាក្រុមអាចមានខុសចិត្តគ្នា ឬជម្លោះខ្លះ ប៉ុន្តែចុងក្រោយបំផុត យើងនឹងត្រឡប់មកជជែកគ្នាល្អៗ ព្រោះសម្ព័ន្ធភាពមកពីការងារជាក្រុមនឹងជួយឲ្យយើងមិនខឹងគ្នាយូរ ដោយសារមានការទទួលខុសត្រូវចំណែករួមគ្នា ។
៥-ការងារស្របនឹងសមត្ថភាព ៖
ធ្វើការតែម្នាក់ ៖ ពេលធ្វើការតែម្នាក់ យើងត្រូវជាបុគ្គលដែលមានសមត្ថភាពគ្រប់ផ្នែក គ្មានសិទ្ធិរើសថា នឹងធ្វើការងារនេះ ឬការងារនោះទេ ព្រោះនៅក្រុមមានតែយើងម្នាក់ មិនអាចផ្ទេរឲ្យអ្នកដទៃធ្វើបាន ហៅថា មនុស្សតែម្នាក់ត្រូវបំពេញការងារសព្វគ្រប់ ។
ធ្វើការជាក្រុម ៖ យើងអាចរើសបានថា នឹងធ្វើការងារអ្វី ព្រោះគ្រប់គ្នាត្រូវបែងចែកតួនាទីឲ្យច្បាស់លាស់ ។ បើមិនស្ទាត់ធ្វើការអ្វីម្យ៉ាង យើងអាចជ្រើសយកធ្វើការងារផ្សេងទៀត គ្រាន់តែប្រាប់ពីភាពចាំបាច់ និងដែនកំណត់ការងារឲ្យក្រុមដឹងជាមុន ។ ការបំពេញការងារទៅតាមសមត្ថភាពនឹងជួយឲ្យលទ្ធផលចេញមកល្អ ។
មុននឹងសម្រេចថា ការងារប្រភេទនេះធ្វើតែម្នាក់ល្អជាង ឬធ្វើជាក្រុមល្អជាង យើងអាចមើលទៅបរិបទការងារឲ្យគ្រប់ផ្នែកជាមុន ព្រោះការងារមួយចំនួនសមស្របជាមួយវិធីខ្លះ ដោយគ្រាន់តែជ្រើសរើសឲ្យត្រូវប៉ុណ្ណោះ ។ ការបំពេញការងារដោយរលូន នឹងទទួលលទ្ធផលតាមគោលដៅយ៉ាងពិតប្រាកដ ៕
ចែករំលែកព័តមាននេះ