ខេត្តក្រចេះ ៖ បុរសចិត្តឆៅដៃដល់ម្នាក់ ដែលបានធ្វើសកម្មភាពដុតបំផ្លាញផ្ទះខ្លួនឯង បណ្តាលឲ្យឆេះខ្ទេច ក៏ព្រោះតែទំនាស់ និងប្រពន្ធ ត្រូវបាននគរបាលចាប់ខ្លួនភ្លាមៗ ក្រោយពីបង្កហេតុបណ្តាលឲ្យខូចខាតផ្ទះឈើខ្លួនឯងមួយខ្នងមានទីតាំងនៅមុខទីប្រជុំជនផ្សាអូរឬស្សី បណ្តាលឲ្យឆេះសន្ធោសន្ធៅផ្អើលអ្នកស្រុក និងរថយន្តពន្លត់អគ្គិភ័យ ។
ខេត្តក្រចេះ ៖ បុរសចិត្តឆៅដៃដល់ម្នាក់ ដែលបានធ្វើសកម្មភាពដុតបំផ្លាញផ្ទះខ្លួនឯង បណ្តាលឲ្យឆេះខ្ទេច ក៏ព្រោះតែទំនាស់ និងប្រពន្ធ ត្រូវបាននគរបាលចាប់ខ្លួនភ្លាមៗ ក្រោយពីបង្កហេតុបណ្តាលឲ្យខូចខាតផ្ទះឈើខ្លួនឯងមួយខ្នងមានទីតាំងនៅមុខទីប្រជុំជនផ្សាអូរឬស្សី បណ្តាលឲ្យឆេះសន្ធោសន្ធៅផ្អើលអ្នកស្រុក និងរថយន្តពន្លត់អគ្គិភ័យ ។
មានការភ្ញាក់ផ្អើលពីសំណាក់អ្នកស្រុកក្បែរខាង ក៏ដូចជារថយន្តពន្លត់អគ្គិភ័យជាច្រើនគ្រឿងបានចេញជួយបាញ់សង្គ្រោះមិនឲ្យមានការឆេះរាលដាល នៅពេលដែលមានសន្ឋឹកអណ្តាតភ្លើង បានឆេះលេបត្របាក់ផ្ទះតៀមធ្វើអំពីឈើប្រកស័ង្កសីមួយខ្នង មានទំហំ៥គុណ១២មែត្រ មានទីតាំងនៅទល់មុខទីប្រជុំជនផ្សារអូរឬស្សី ក្នុងសង្កាត់អូរឬស្សី ក្រុងក្រចេះ កាលពីរសៀលថ្ងៃទី១៣ ខែឧសភា ឆ្នាំ២០១៧នេះ ។ ការឆាបឆេះបានកើតឡើងត្រឹមតែរយៈពេលជាងកន្លះម៉ោងតែប៉ុណ្ណោះ បន្ទាប់ពីជនម្នាក់ មានចេតនាដុតកម្ទេចចោល ក៏ព្រោះតែមានទំនាស់ជាមួយ និងប្រពន្ធ រហូតឈានដល់ការលែងលះតាមផ្លូវតុលាការ ដែល និងត្រូវប្រកាសសាលក្រមចែកទ្រព្យសម្បត្តិគ្នានៅរយៈពេលប៉ុន្មានថ្ងៃខាងមុខទៀតនេះ ។ ជនសង្ស័យចិត្តឆៅដៃដល់ជាប្តីរូបនេះ ក៏ត្រូវបាននគរបានក្រុងក្រចេះឃាត់ខ្លួនភ្លាមៗ បន្ទាប់ពីបង្កហេតុរួច ។ ជនដៃដល់រួបនេះក៏ជាមុខសញ្ញាគ្រឿងញៀនផង ដែលមានឈ្មោះ សំ ពិសិដ្ឋ អាយុ ៣១ឆ្នាំ រស់នៅសង្កាត់អូរឬស្សី ក្រុងក្រចេះ នេះបើតាមការបញ្ជាក់ពីអធិការនគរបាលក្រុងក្រចេះ ។ អធិការនគរបាលក្រុងក្រចេះលោកវរសេនីយ៍ទោ នេត លីន បានឲ្យដឹងថា ជនដៃដល់ជាប្តី ជាមុខសញ្ញាគ្រឿងញៀន ហើយមូលហេតុដែលឈានឲ្យមានការដុតបំផ្លាញផ្ទះខ្លួនឯងនេះ ក៏ព្រោះតែជននេះមានទំនាស់ជាមួយ និងស្ត្រីជាប្រពន្ធ ។ ជនសង្ស័យបានយកគ្នាជាប្តីប្រពន្ធជាមួយស្ត្រីរងគ្រោះ មានរយៈពេលជាង៥ឆ្នាំ និងមានកូនប្រុសម្នាក់ តែក្រោយការលែងលះតាមផ្លូវតុលាការ គឺតុលាការសម្រេចចេញសាលក្រមបែងចែកទ្រព្យសម្បត្តិ ដោយស្ត្រីជាប្រពន្ធទទួលបានដីឡូតិ៍មួយដុំ ចំណែកឯជនដៃដល់ជាប្តី ទទួលបានគ្រឿងផ្ទះមួយគ្រឿង ដែលរក្សាទុកនៅផ្ទះកើតហេតុ ។នគរបាលបានឲ្យដឹងទៀតថា មុនកើតហេតុជននេះ បានសេពគ្រឿងញៀន និងបានផឹកស្រាស្រវឹង ទំនងបែកថ្នាំក៏សម្រេចចិត្តដុតផ្ទះកម្ទេចចោលតែម្តង ។
ក្នុងហេតុការណ៍នេះនគរបាលបានប្រើប្រាស់រថយន្តពន្លត់អគ្គីភ័យធំៗរបស់ស្នងការដ្ឋានចំនួន២គ្រឿង និងប្រើប្រាស់ទឹកអស់ជាច្រើនឡាន ដើម្បីជួយបាញ់ពន្លត់កុំឲ្យមានការឆាបឆេះរាលដាល់ ។ ហើយក្រៅពីផ្ទះរបស់ជនល្មើសដែលបានដុតបណ្តាលឲ្យឆេះខ្ទេច ក៏មិនមានការរាលដាលឆេះដល់ផ្ទះអ្នកជិតខាងនោះទេ ៕
ចែករំលែកព័តមាននេះ