រាជធានីភ្នំពេញ ៖ អ្នកលេងម្នាក់ក្នុងចំណោមគ្នា៣នាក់ ត្រូចចាប់ខ្លួន ក្រោយធ្វើសកម្មភាពកា.ប់ប្រហារទៅលើបុរសម្នាក់កំពុងជិះម៉ូតូ រួមជាមួយមិត្តភក្ដិ ក្រោយត្រឡប់ពីទិញទឹកត្នោតជូរវិញ នៅជិតដល់បន្ទប់ជួលដែលខ្លួនស្នាក់នៅ ក្រោយមកបានគេចខ្លួនបាត់ស្រមោលនោះ ។
រាជធានីភ្នំពេញ ៖ អ្នកលេងម្នាក់ក្នុងចំណោមគ្នា៣នាក់ ត្រូចចាប់ខ្លួន ក្រោយធ្វើសកម្មភាពកាប់ប្រហារទៅលើបុរសម្នាក់កំពុងជិះម៉ូតូ រួមជាមួយមិត្តភក្ដិ ក្រោយត្រឡប់ពីទិញទឹកត្នោតជូរវិញ នៅជិតដល់បន្ទប់ជួលដែលខ្លួនស្នាក់នៅ ក្រោយមកបានគេចខ្លួនបាត់ស្រមោលនោះ ។
កម្លាំងនគរបាលប៉ុស្តិ៍ចោមចៅ បានសហការជាមួយកម្លាំងនគរបាលផ្នែកអន្តរាគមន៍ខណ្ឌពោធិ៍សែនជ័យ បានចុះធ្វើការស្រាវជ្រាវអស់រយៈពេល៦ថ្ងៃ រហូតឈានដល់ការឃាត់ខ្លួនបាន កាលពីវេលាម៉ោង០៩ ង៣០នាទីព្រឹកថ្ងែទី ១៣ ឧសភា ស្ថិតនៅក្នុងភូមិ អូតានន ឃុំសែនដី ស្រុកសំរោងទង ខេត្តកំពង់ស្តឺ ។
ជនសង្ស័យខាងលើ ឈ្មោះគង់ គីម ហៅអាវែង អាយុ៣៥ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងភូមិចោមចៅ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។ ចំណែកបក្សពួក២នាក់ទៀត កំពុងគេចខ្លួននៅឡើយ ។ រីឯជនរងគ្រោះឈ្មោះណែម ឌៀ អាយុ៣២ឆ្នាំ ជាមេការសំណង់ស្នាក់នៅក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ និងមានស្រុកកំណើត នៅក្នុងភូមិរកាទង ឃុំទួលខ្ពស់ ស្រុកទឹកផុសខេត្តកំពង់ឆ្នាំង (រងរបួសរយះក្បាល និងថ្ពាល់ខាងឆ្វេងយ៉ាងដំណំ) ។
នគរបាលបានឱ្យដឹងថា កាលពីវេលាម៉ោង០៧ និង២០នាទីយប់ថ្ងៃទី៧ ឧសភា ស្ថិតនៅចំណុចប្លុកក្នុងផ្ទះជួលបុរីសឡា ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជនរងគ្រោះនិងមិត្តភក្ដិម្នាក់ទៀត បានជិះម៉ូតូចេញពីបន្ទប់ជួល ដែលខ្លួនស្នាក់នៅទៅទិញទឹកត្នោតជូរ នៅក្បែរស្រះព្រះទន្លេ ក្រោយរោងចក្រតម្លើងម៉ូតូហុងដា ។
លុះពេលទិញបាន ក៏បានជិះម៉ូតូត្រឡប់ទៅបន្ទប់ស្នាក់នៅវិញហើយ ក៏ត្រូវជនសង្ស័យខាងលើ រួមជាមួយបក្សពួក២នាក់ទៀត បានទាញដាវ១ដើមកាប់ទៅលើជនរងគ្រោះចំនួន៣ដាវ បណ្តាលឱ្យរងរបួសធ្ងន់២កន្លែង ។បន្ទាប់មក បាននាំគ្នាគេចខ្លួនបាត់អស់ ។
ចែករំលែកព័តមាននេះ