រាជធានីភ្នំពេញ៖ សេចក្តីរាយការណ៍បឋមឱ្យដឹងថា មានករណីស្ត្រីម្នាក់ធ្លាក់ពីលើអគារខុនដូមួយកន្លែងយីហោ «កាហ្សា» ស្ថិតនៅម្តុំកោះពេជ្រ ក្នុងសង្កាត់ទន្លេបាសាក់ ខណ្ឌចំការមន បណ្តាលឱ្យស្លាប់ភ្លាមៗនៅនឹងកន្លែងកាលពីវេលាយប់មកម្ល៉េះ តែទើបបង្កការភ្ញាក់ផ្អើលខ្លាំង នាព្រឹកថ្ងៃទី១៣ ឧសភា នេះ ខណៈដែលគ្រប់គ្នា ក៏នៅមិនទាន់ដឹងពីមូលហេតុច្បាស់ថា ជាករណីអ្វីពិតប្រាកដនោះដែរ ។
ប្រភពឱ្យដឹងថា ស្ត្រីដែលស្លាប់មិនត្រូវបានស្គាល់ឈ្មោះនោះទេ ។ បើតាមការពិនិត្យរបស់សមត្ថកិច្ច នៅកន្លែងកើតហេតុឃើញថា មានស្លាកស្នាមធ្លាក់ចេញពីបង្អួចនៃបន្ទប់ខុនដូនោះ ។ ពេលនេះ សមត្ថកិច្ចកំពុងធ្វើការស្រាវជ្រាវហើយ ។
បច្ចុប្បន្ន សាកសពស្ត្រីរងគ្រោះ ត្រូវបានក្រុមគ្រួសារបញ្ជូនទៅធ្វើបុណ្យនៅវត្តថ្វាយបង្គំ ។
ចែករំលែកព័តមាននេះ