អង់គ្លេស ៖ តាមប្រភពពី Metro ឱ្យដឹងថា អ្នកទោសម្នាក់បានសរសេរស្នើសុំឱ្យមានតុក្កតាសិច សម្រាប់អ្នកទោសប្រុសៗចំនួន៨២០០០នាក់ នៅប្រទេសអង់គ្លេស ព្រោះពួកគេចង់បញ្ចេញអ័រម៉ូនចោលខ្លះ ដើម្បីឱ្យស្រួលខ្លួន ។
អ្នកទោសម្នាក់ឈ្មោះ Jack Swarez អាយុ៤៨ឆ្នាំ ត្រូវបានកាត់ទោសឱ្យជាប់ពន្ធនាគារ១៧ឆ្នាំ តាំងពី២០១២ ពីបទជួញដូរគ្រឿងញៀន ។ លោកបាននិយាយថា គាត់មានគំនិតស្នើសុំនេះឡើង បន្ទាប់ពីមើលរឿង Sex Toy Secrets លើប៉ុស្តិ៍ទូរទស្សន៍ Channel 4 ។ នៅក្នុងទស្សនាវដ្តី Inside Time ដែលជាទស្សនាវដ្តីក្នុងពន្ធនាគារ លោក Jack បានសរសេរថា អ្នកជាប់ទោសប្រុសៗទាំងអស់គួរតែទទួលបាននូវតុក្កតាសិច ព្រោះពួកគេមិនអាចយកដៃគូចូលក្នុងពន្ធនាគារបានទេ ។
លោកបញ្ជាក់ថា អ្នកជាប់ពន្ធនាគារប្រុស មានការកើនឡើងអ័រម៉ូនភេទតេសស្តូស្តេរ៉ូនជាខ្លាំង ដោយសារតែមិនបានបញ្ចេញចោល។ វាអាចធ្វើឲ្យមនុស្សប្រុសស្ត្រេសបាន ។ លោកក៏បានលើកទៀតថា ពន្ធនាគារនៅប្រទេសមួយចំនួន ក្នុងអឺរ៉ុបបានអនុវត្តវិធីនេះហើយ។ ទាក់ទងនឹងរឿងតុក្កតាសិច លោកបានលើកជាយោបល់ថា អ្នកជាប់ពន្ធនាគារអាចផ្ញើរូបដៃគូ ដែលខ្លួនស្រលាញ់ទៅកាន់រោងចក្រផលិតតុក្កតាសិច ដើម្បីឲ្យគេចេញម៉ូដឲ្យដូច។
គួរបញ្ជាក់ថា លោក Swarez គឺជាឈ្មួញជួញដូរគ្រឿងញៀនក្នុងមុខតំណែងជា ប្រធានគ្រប់គ្រងបណ្តាញគ្រឿងញៀនចូលក្នុងប្រទេសអង់គ្លេស ។ គ្រឿងញៀនដែលប៉ូលីសចាប់បាននៅនឹងកន្លែងមានដូចជា៖ ហេរ៉ូអ៊ីន៩.២៥គីឡូក្រាម កូកាអ៊ីន៨.២៥គីឡូក្រាម យ៉ាម៉ា១២គីឡូក្រាម និងលុយសុទ្ធ៣៧០០០ផោន ។
ចែករំលែកព័តមាននេះ