នាំស្រីដើរលេងជួបប្រពន្ធនៅតាមផ្លូវ
«Mirror»របស់អង់គ្លេសកាលពីពេល ថ្មីៗកន្លងមកផ្សាយថា ភាពចលាចលមួយកើតឡើងលើដងផ្លូវនៅក្រុងប្រេតូរីយ៉ា អាហ្វ្រិកខាងត្បូង ដោយស្ត្រីម្នាក់លោតទៅអង្គុយលើកាបូរថយន្តរបស់ប្តី ដ្បិតឃើញជិះ
«Mirror»របស់អង់គ្លេសកាលពីពេល ថ្មីៗកន្លងមកផ្សាយថា ភាពចលាចលមួយកើតឡើងលើដងផ្លូវនៅក្រុងប្រេតូរីយ៉ា អាហ្វ្រិកខាងត្បូង ដោយស្ត្រីម្នាក់លោតទៅអង្គុយលើកាបូរថយន្តរបស់ប្តី ដ្បិតឃើញជិះជាមួយនារីផ្សេង ។
ពេលបុរសជាប្តីឈប់រថយន្តពួកគេបានទាស់ទែងគ្នាបង្កឱ្យកកស្ទះចរាចរណ៍ ។
ហេតុការណ៍នោះកើតឡើងកាលពីថ្ងៃទី១ ឧសភា ២០១៧ ហើយនាងNorah Pitjeដែលឃើញហេតុការណ៍បានថតវីដេអូឃ្លីបបង្ហោះតាមហ្វេសប៊ុក ។ នាងរៀបរាប់ថាស្ត្រីពជាប្រពន្ធ ឃើញរថយន្តរបស់ប្តីបើកកាត់ពីមុខដោយចៃដន្យ ខណៈមានស្ត្រីម្នាក់អង្គុយនៅខាងមុខជាមួយ ក៏ខឹងយ៉ាងខ្លាំង ។ មិនបង្អង់យូរស្ត្រីជាប្រពន្ធលោតឡើងលើកាបូរថយន្តរបស់ប្តីវាយកញ្ចក់និងស្រែកឱ្យឈប់ ។
នៅពេលឈប់រថយន្ត បុរសជាប្តីមិនចេញក្រៅនិយាយជាមួយប្រពន្ធទេ ធ្វើឱ្យនាងរឹតតែខឹងខ្លាំងឡើង និងវាយរថយន្តទាំងកម្រោល ។ ដោយទ្រាំលែងបានប្តីបើកទ្វារចេញមក ហើយពួកគេក៏ឈ្លោះគ្នា ។ ស្ត្រីជាប្រពន្ធស្ទុះទៅវាយស្រីស្នេហ៍របស់ប្តីក្នុងរថយន្ត តែត្រូវប្តីច្រានចេញ ។
ឃើញបែបនោះបុរសម្នាក់ដែលឈឺឆ្អាលបានចូលសម្រុះសម្រួល ទើបជម្លោះស្ងប់ស្ងាត់ ។
អ្នកលេងហ្វេសប៊ុកសម្តែងការយល់ឃើញថា ប្តីគ្មានចិត្តស្មោះត្រង់និងមិនផ្តល់កិត្តិយសដល់ប្រពន្ធដោយការពារគូស្នេហ៍ទៀតផង ។ ខ្លះទៀតណែនាំថាប្រសិនបើប្តីបណ្តើរស្រីជាលក្ខណៈចំហបែបនេះហើយ ប្រពន្ធគួរដាក់ពាក្យលែងលះគ្នា ព្រោះគេមិនស្រឡាញ់នាងទេ ៕
ចែករំលែកព័តមាននេះ