រាជធានីភ្នំពេញ ៖ ដោយមានការរៀបចំ និងការយកចិត្តទុកដាក់ពីស្ថានឯកអគ្គរាជទូតកម្ពុជា ប្រចាំនៅសាធារណរដ្ឋកូរ៉េ ប្រជាពលរដ្ឋខ្មែរ ក្នុងនោះមានពលករ សិស្ស និស្សិត ស្ត្រីរៀបការប្តីជនជាតិកូរ៉េ ដែលកំពុងរស់នៅប្រទេសកូរ៉េរាប់រយនាក់ បានទទួលការពិនិត្យ និងព្យាបាលជំងឺដោយឥតគិតថ្លៃជាលើកទីពីរ តាមរយៈកិច្ចសហប្រតិបត្តការពីមូលនិធិគាំពាសុខភាពកូរ៉េ-អន្ដរជាតិ(KOFIH) កាលពីចុងសប្តាហ៍កន្លងមកនេះ ។
មន្ត្រីស្ថានទូតកម្ពុជា ប្រចាំនៅសាធារណរដ្ឋកូរ៉េឱ្យដឹងថា សុខភាពគឺជាកត្តាដ៏សំខាន់ដែលយើងគ្រប់គ្នា ត្រូវតែយកចិត្តទុកដាក់ និងរក្សាឱ្យបានល្អគង់វង្ស ។
ក្នុងគោលបំណងលើកកម្ពស់សុខុមាលភាព ឆ្លើយតបនឹងសំណូមពរ ក៏ដូចជាការការពារទប់ស្កាត់នូវហានិភ័យផ្សេងៗ ដែលធ្វើឲ្យប៉ះពាល់ដល់សុខភាព និងអាយុជីវិតដ៏មានតម្លៃរបស់ប្រជាពលរដ្ឋខ្មែរ ស្ថានឯកអគ្គរាជទូតកម្ពុជា សហការជាមួយមូលនិធិគាំពារសុខភាពកូរ៉េ-អន្ដរជាតិ(KOFIH) បានបញ្ជូនក្រុមគ្រូពេទ្យរបស់មូលនិធិ ចុះពិនិត្យសុខភាពទូទៅ ពិនិត្យបេះដូង និងថតX-Ray ជូនប្រជាពលរដ្ឋខ្មែរដោយឥតគិតថ្លៃ នៅមជ្ឈមណ្ឌលគាំពារពលករបរទេសទីក្រុងឆន់ណាន (Cheonan) ។
ចែករំលែកព័តមាននេះ