អតីតមេប៉ុស្តិ៍ត្រូវគេលួចចាក់មួយដាវ
រាជធានីភ្នំពេញ ៖ អតីតមេប៉ុស្ដិ៍ពោធិ៍ព្រឹកម្នាក់ដែលបានចូលនិវត្តន៍ទៅហើយនោះត្រូវបានក្មេងស្ទាវម្នាក់
រាជធានីភ្នំពេញ ៖ អតីតមេប៉ុស្ដិ៍ពោធិ៍ព្រឹកម្នាក់ដែលបានចូលនិវត្តន៍ទៅហើយនោះត្រូវបានក្មេងស្ទាវម្នាក់
រាជធានីភ្នំពេញ ៖ អតីតមេប៉ុស្ដិ៍ពោធិ៍ព្រឹកម្នាក់ដែលបានចូលនិវត្តន៍ទៅហើយនោះត្រូវបានក្មេងស្ទាវម្នាក់លបចាក់ពីក្រោយមួយកាំបិតបណ្ដាលឱ្យជាប់កាំបិតនៅខាងក្រោយខ្នងសង្ស័យករណីគំនុំ ខណៈដែលជនរងគ្រោះកំពុងដាក់ចំនីសត្វពេលព្រឹកព្រលឹម កាលពីវេលាម៉ោង៦ព្រឹកថ្ងៃទី៧ ខែឧសភា ឆ្នាំ២០១៧ ត្រង់ចំណុចភូមិពោធិ៍ព្រឹក ឃុំពោធិ៍ព្រឹក ស្រុកឧដ្តុង្គ ខេត្តកំពង់ស្ពឺ ។ ជនរងគ្រោះមានឈ្មោះ ឯម សាមេត ភេទប្រុស អាយុ៥៥ឆ្នាំ ដែលជាអតីតមេប៉ុស្ដិ៍ពោធិ៍ព្រឹកត្រូវបានចូលនិវត្តន៍ ស្នាក់នៅភូមិពោធិ៍ព្រឹក ឃុំពោធិ៍ព្រឹក ស្រុកឧដ្តុង្គ ខេត្តកំពង់ស្ពឺ មានប្រពន្ធឈ្មោះ ឯម ចន្ថា អាយុ៤០ឆ្នាំ មុខរបរនៅផ្ទះ មានកូនបួននាក់ ស្រីម្នាក់និងប្រុស៣នាក់ ។
តាមប្រភពពីជនរងគ្រោះបានឱ្យដឹងថា មុនពេលកើតហេតុពេលព្រឹកព្រលឹមឡើងរូបគាត់បានក្រោកទៅដាក់ចំនីសត្វចិញ្ចឹមរបស់គាត់ដែលចិញ្ចឹមក្នុងផ្ទះនោះ ស្រាប់តែមានក្មេងស្ទាវម្នាក់បានលបដើរចូលផ្ទះគាត់ថ្មមៗបានយកដាវកែច្នៃមួយដើមមកចាក់គាត់ពីក្រោយខ្នងជាប់នៅក្រោយខ្នងជិតលិចមួយដាវ មិនត្រឹមតែប៉ុណ្ណោះទេជនសង្ស័យខាងលើបានវាយតប់មកលើជនរងគ្រោះថែមទៀតផង ហើយបន្ទាប់មកជនសង្ស័យខាងលើបានរត់គេចខ្លួនបាត់ស្រមោល ។ បើតាមសម្ដីរបស់ប្រពន្ធជនរងគ្រោះបានបញ្ជាក់ថា ករណីខាងលើនេះគាត់សង្ស័យថា ជារឿងគំនុំរវាងប្ដីរបស់គាត់ និងម្ចាស់ដីដែលបានទិញហើយកំពុងតែរស់នៅលើដីនោះបច្ចុប្បន្ន គាត់បានរៀបរាប់ ថា កាលពីឆ្នាំ២០០៥ជនរងគ្រោះ និងប្រពន្ធគាត់បានទិញដីរបស់ឪពុកជនសង្ស័យនោះក្នុងតម្លៃ៦លានរៀល ហើយដីនោះមានទំហំទទឹង២៥ម៉ែត្រ បណ្ដោយ៧៥មែត្រ ហើយមានផ្ទះឈើមួយខ្នងនៅលើដីនោះផងដែរ រហូតដល់ឆ្នាំ២០១០ម្ចាស់ដីដែលជាឪពុកជនសង្ស័យនោះត្រូវសមត្ថកិច្ចចាប់ដាក់គុកដោយសាររូបគាត់ចាប់រំលោភក្មេងស្រីមិនគ្រប់ទឹកម្នាក់ក្នុងភូមិបានសំរេច ពេលឪពុកជនសង្ស័យចេញពីគុកវិញក៏បានចោទប្រកាន់ និងខឹងសម្បាជាមួយជនរងគ្រោះកាលពីជនរងគ្រោះមិនទាន់ចូលនិវត្តន៍ ហើយឪពុកជនសង្ស័យធ្លាប់បានប្ដឹងតុលារចោទប្រកាន់ទៅជនរងគ្រោះថា ទិញដីមិនទាន់ឱ្យលុយគ្រប់តែប្ដឹងមិនឈ្នះដោយសារតែគ្រួសារជនរងគ្រោះមានឯកសារបញ្ជាក់ពីការទិញលក់ដីនោះត្រឹមត្រូវ តែឪពុកជនសង្ស័យនៅតែមិនអស់ចិត្តហើយនៅតែតាមរករឿងជនរងគ្រោះរហូតថែមទាំងធ្លាប់ជេរប្រមាថជនរងគ្រោះតាំងតែពីគាត់នៅកាន់តំណែងជានាយប៉ុស្ដិ៍រដ្ឋបាលពោធិ៍ព្រឹករហូតដល់គាត់ចូលនិវត្តន៍បាន៥ខែក៏គាត់នៅតែចោទប្រកាន់ថា រូបគាត់ត្រូវគេចាប់ដាក់គុកគឺដោយសារតែជនរងគ្រោះជាអ្នកប្រព្រឹត្តឡើងទាំងអស់ ។
ក្រោយពេលកើតហេតុជនរងគ្រោះត្រូវបានប្រពន្ធរបស់ខ្លួនដឹកទៅកាន់មន្ទីរពេទ្យព្រះកុសះមះដើម្បីធ្វើការវះកាត់យកដាវដែលជាប់ខ្នងជនរងគ្រោះនោះចេញឱ្យទាន់ពេលវេលា ចំណែកឯជនសង្ស័យត្រូវបានរត់គេចខ្លួនបាត់ស្រមោល ៕
ចែករំលែកព័តមាននេះ