ការលក់ផ្ទះ គង់គេចមិនផុតពីបញ្ហាដែលម្ចាស់ផ្ទះជាច្រើនតែងជួបប្រទះនៅពេលគេចូលមើល ហើយគេមិនទិញ ។ ទាំងនេះត្រូវតែយល់ថា ការចូលមើលផ្ទះហើយមិនទិញ មានហេតុផលជាច្រើន ដោយសារពួកគេមិនពេញចិត្តផ្ទះរបស់អ្នក និងហេតុផលផ្សេងទៀតដែលមនុស្សជាច្រើនគិតមិនដល់ គឺអ្នកដែលមកមើលផ្ទះទាំងអស់មិនបានគិតថា នឹងទិញនោះទេ ។
មនុស្សទាំងនេះមានច្រើនប្រភេទ ដែលធ្វើឱ្យអ្នកខាតបង់ពេលវេលាក្នុងការឱ្យគេមើលផ្ទះ រហូតដល់អ្នកខ្លះធុញទ្រាន់នឹងការបង្ហាញផ្ទះឱ្យគេមើលទៀតផង ។ ដូច្នេះ ថ្ងៃនេះ យើងនឹងអធិប្បាយដល់មនុស្សទាំង៥ប្រភេទដែលតែងជួបនៅពេលប្រកាសលក់ផ្ទះ ដូចខាងក្រោម ៖
១-អ្នកទិញចាប់អារម្មណ៍ពិតប្រាកដ ៖
ប្រសិនបើសំណាងល្អរបស់អ្នកលក់ គឺនឹងជួបអ្នកទិញដែលចាប់អារម្មណ៍ពិតប្រាកដ ។ អ្នកអាចសង្កេតបានថា ពួកគេមានការចាប់អារម្មណ៍ពិសេសជាមួយផ្ទះ នៅពេលដែលពួកគេមកមើលផ្ទះយ៉ាងយកចិត្តទុកដាក់ ឬយ៉ាងណា ។ ភាគច្រើនមនុស្សក្រុមនេះតែងសុំមើលផ្ទះ១-២ដង ប៉ុន្តែបើសិនជាគេពិតជាចាប់អារម្មណ៍ គឺមើលផ្ទះតែម្តងប៉ុណ្ណោះ ហើយឆ្លើយតបថា យល់ព្រមទិញឬអត់ទៅហើយ ។
២-អ្នកបណ្តាក់ទុនប្រមូលព័ត៌មាន ៖
យើងតែងជួបជាញឹកញាប់នោះ គឺអ្នកបណ្តាក់ទុនដែលសុំមើលផ្ទះដើម្បីប្រមូលព័ត៌មាន, ជាអ្នកប្រមូលប្រាក់ចំណេញផ្នែកអចលនទ្រព្យ និងចង់ដឹងពីស្ថានការណ៍ទីផ្សារក្នុងពេលនោះ។ មនុស្សក្រុមនេះតែងឃ្លាំមើលទីផ្សារលំនៅឋាន ខុនដូ គ្រប់ពេលវេលា ។ នៅពេលមានការប្រកាសលក់ឬជួល ពួកគេតែងទូរស័ព្ទសួរនាំ ឬសុំទៅមើលផ្ទះ ក្នុងគោលបំណងប្រមូលព័ត៌មានសម្រាបប្រាក់ចំណេញអចលនទ្រព្យរបស់ខ្លួន។ ប៉ុន្តែបើមានឱកាសទៅរួច ពួកគេអាចសម្លឹងឃើញផ្ទះរបស់អ្នកគួរឱ្យចង់ទិញទុកសម្រាប់ការបណ្តាក់ទុន ក៏ជាសំណាងមួយទៀតដែរ ។
៣-អ្នកជិតខាងចង់ដឹង ៖
ហេតុការណ៍នេះតែងជួបមិនញឹកញាប់ទេ ជាមួយនឹងការសុំមើលផ្ទះពីអ្នកជិតខាងដែលចង់ដឹង ។ គ្រប់ពេលដែលមានការប្រកាសលក់ អ្នកជិតខាងទាំងនោះតែងចង់ដឹងថា លក់ក្នុងតម្លៃប៉ុន្មាន, ហេតុអ្វីបានជាលក់, ក្នុងផ្ទះមានសភាពដូចម្តេច ។ ពួកគេគ្មានចេតនាអ្វីផ្សេងក្រៅពីការចង់ដឹងនោះទេ ។
៤-គូប្រជែងស៊ើបរកព័ត៌មាន ៖
ក្រៅពីអ្នកជិតខាងដែលចូលចិត្តមកសួរនាំចង់ដឹងហើយ មនុស្សមួយក្រុមទៀតដែលត្រូវប្រយ័ត្ន គឺគូប្រជែងដែលតែងមកសើុបព័ត៌មាន ។ គូប្រជែងនេះ គឺអ្នកដែលប្រកាសលក់ផ្ទះក្នុងបរិវេណជិតៗអ្នកនោះឯង ។ ពួកគេនឹងរង់ចាំមើលថា ផ្ទះណាប្រកាសលក់ខ្លះ ហើយប្រកាសលក់ក្នុងតម្លៃប៉ុន្មាន ។ ពួកគេតែងសុំមើលផ្ទះរបស់អ្នកដើម្បីយកទៅកែតម្រូវផ្ទះរបស់ខ្លួន ដូចជា កែតម្លៃឱ្យថោកជាង ឬតុបតែងផ្ទះឱ្យស្រដៀងគ្នាជាដើម ។
៥-ឈ្មួញកណ្តាល ៖
មនុស្សមួយក្រុមទៀតដែលម្ចាស់ផ្ទះទាំងឡាយធ្លាប់ជួបនោះ គឺឈ្មួញកណ្តាលដែលចង់ជួយលក់ផ្ទះឱ្យ ។ ពួកគេតែងទូរស័ព្ទសួរព័ត៌មាន ហើយអាចសុំចូលមើលផ្ទះ ឬខុនដូ ។ ពេលមានអតិថិជនចាប់អារម្មណ៍ និងទាក់ទងតាមរយៈឈ្មួញកណ្តាល ម្ចាស់ផ្ទះគ្រប់រូបអាចនឹងមិនពេញចិត្ត ដែលអតិថិជនត្រូវឆ្លងកាត់ឈ្មួញកណ្តាល ដោយសារតែមិនចង់ចំណាយថ្លៃសេវាដល់ពួកគេ ។
អ្នកអាចកែប្រែបាននៅពេលបិទប្រកាស ដោយបញ្ជាក់ពីចំណុចនេះ (មិនត្រូវការឈ្មួញកណ្តាល) ។ ប៉ុន្តែទោះជាយ៉ាងណា ឈ្មួញកណ្តាលអាចជួយឱ្យអ្នកលក់ផ្ទះបានឆាប់រហ័ស ដោយប្តូរជាមួយតម្លៃសេវាប្រមាណ២% ក៏អាចសមនឹងតម្លៃដែលអ្នកត្រូវទុកផ្ទះរយៈពេលយូរដែរ ៕
ចែករំលែកព័តមាននេះ