ម៉ិកស៊ិក ៖ ប្រភពពី Metro ឱ្យដឹងថា និស្សិតអាយុ១៨ឆ្នាំម្នាក់ នៅប្រទេសម៉ិកស៊ិក បានច្នៃអាវទ្រនាប់ពិសេស ដែលអាចតាមដានរកមើលជំងឺមហារីកសុដន់ នៅពេលស្ត្រីបានពាក់វា ។ និស្សិតរូបនោះឈ្មោះ Julian Rios Cantu បានប្រាប់ថា លោកមានគំនិតបង្កើតវាឡើង ដោយសារតែម្តាយរបស់លោក កាត់សុដន់ម្ខាងចោល ក្រោយពេលមានជំងឺមហារីកសុដន់។
ការច្នៃអាវទ្រនាប់ពិសេសនេះឡើង ត្រូវបានជាប់ចំណាត់ថ្នាក់លេខ១ នៅក្នុងកម្មវិធី Global Student Entrepreneur Awards។អាវទ្រនាប់នេះ មានឈ្មោះថា EVA ដែលវាត្រូវបានច្នៃបង្កើតឡើង ដោយមានការសហការរវាង Julian និង មិត្តភក្តិ៣នាក់ទៀត តាមរយៈក្រុមហ៊ុនផ្ទាល់ខ្លួនរបស់លោកយីហោ Higia Technologies ជាមួយនឹងគោលបំណងសម្រាប់ឲ្យស្ត្រីដែលមានសេនេទិកមហារីកប្រើប្រាស់។
វាបំពាក់មកជាមួយនឹងគ្រាប់សេនស័រជីវសាស្ត្រ២០០គ្រាប់ ដែលអាចតាមដានលើផ្ទៃសុដន់ទៅលើ ការប្រែប្រួលនូវសីតុណ្ហភាព ទម្ងន់ និងទ្រង់ទ្រាយ។ នៅក្នុងករណីខ្លះ ការកើនឡើងនូវកំដៅលើសុដន់ មានន័យថា មានការកើនឡើងនូវបរមាណឈាមមកចិញ្ចឹមនេះអាចមកពីឈាមនៅត្រូវមកបន្ថែមសម្រាប់ចិញ្ចឹមដុំមហារីក។
លោក Julian ប្រាប់មក Infobae ថា «នៅពេលមានបម្រែបម្រួលនៅសុដន់ ឬមានដុំមហារីក គឺមានការកើនឡើងនូវសរសៃឈាមមកចិញ្ចឹម។ ការកើនឡើងនូវបរិមាណឈាមរត់មកចិញ្ចឹម ធ្វើឲ្យកម្តៅកើនឡើង។ «ស្ត្រីគ្រាន់តែពាក់វា៦០ ទៅ៩០នាទី ក្នុងមួយ
សប្តាហ៍តែប៉ុណ្ណោះ ដើម្បីត្រួតពិនិត្យជាប្រចាំ។ គួរបញ្ជាក់ថា ក្រសួងសុខាភិបាលម៉ិកស៊ិក រកឃើញមនុស្សមានមហារីកសុដន់ម្នាក់ ក្នុងពេល៣០នាទី ។ ពិតជាសម្បូរណាស់ ។
ចែករំលែកព័តមាននេះ