គណៈបញ្ជាការឯកភាពខណ្ឌសែនសុខ ធ្វើពីធីវាយកម្ទេចទូហ្គេម ចំនួន៨២គ្រឿង
រាជធានីភ្នំពេញ ៖ ទូហ្គេមចំនួន៨២គ្រឿង ត្រូវបានគណៈបញ្ជាការឯកភាពខណ្ឌសែនសុខធ្វើពីធីវាយកម្ទេចចោលដោយប្រើគ្រឿងចក្រ កាលពីនៅរសៀលថ្ងៃទី០៤ ខែឧសភា
រាជធានីភ្នំពេញ ៖ ទូហ្គេមចំនួន៨២គ្រឿង ត្រូវបានគណៈបញ្ជាការឯកភាពខណ្ឌសែនសុខធ្វើពីធីវាយកម្ទេចចោលដោយប្រើគ្រឿងចក្រ កាលពីនៅរសៀលថ្ងៃទី០៤ ខែឧសភា ឆ្នាំ២០១៧។ ពិធីនេះបានរៀបចំឡើងនៅក្នុងបរិវេណសាលាខណ្ឌសែនសុខ ដោយមានការអញ្ជើញចូលរួមវាយកម្ទេចដោយលោក ប៉ឹល កុសល អភិបាលខណ្ឌ អធិការ មេបញ្ជាការកងរាជអាវុធហត្ថ និងមានការចូលរួមពីចៅសង្កាត់ មេប៉ុស្តិ៍ និងមន្ត្រីរាជការ កងកម្លាំងប្រដាប់អាវុធយ៉ាងច្រើនកុះករ។ លោក ប៉ឹល កុសល អភិបាលខណ្ឌសែនសុខ បានឲ្យដឹងថា ទូហ្គេមដែលវាយកម្ទេចចោលនៅពេលនេះមានចំនួន៨២គ្រឿង ដែលក្នុងនោះមានទូហ្គេម បៀរ និងប្រណាំងសេះចំនួន៦៨ទូ ចំណែកទូហ្គេមបាញ់ត្រីចំនួន១៤ទូដែលត្រូវបានអាជ្ញាធរ និងសមត្ថកិច្ចខណ្ឌសែនសុខ ចុះបង្ក្រាបក្នុងប៉ុន្មានខែចុងក្រោយនេះ។
លោកអភិបាល បានឲ្យដឹងថា ដើម្បីនាធាឲ្យបាននូវគោលនយោបាយភូមិ សង្កាត់មានសុវត្ថិភាព គណៈបញ្ជាការឯកភាពនៅតាមបណ្តាលសង្កាត់នីមួយៗត្រូវយកចិត្តទុក ហើយក្ដាប់ឲ្យបាននូវទីតាំងបើកល្បែងស៊ីសង រួចធ្វើលិខិតជូនដំណឹងឲ្យបញ្ឈប់ជាបន្ទាន់ បើមិនស្តាប់តាមការណែនាំត្រូវមានវិធានការរដ្ឋបាលចុះបង្ក្រាប ដើម្បីយកមកកម្ទេចចោល។ ការវាយកម្ទេចចោលទូហ្គេមនោះត្រូវបានគេរិះគន់ផងដែរថា គឺវាយកម្ទេចចោលតែសំបកនោះទេ គ្រឿងក្នុង និងរបស់មានតម្លៃ ត្រូវបានគេយកលក់វិញអស់ហើយ៕
ចែករំលែកព័តមាននេះ