លោកតាអាយុ១៤៦ឆ្នាំធ្លាប់ថាចង់ស្លា.ប់ ឥឡូវដូចបំណងហើយ
ឥណ្ឌូនេស៊ី៖ តាមប្រភពព័ត៌មាន Channel Newsasia បានឲ្យដឹងថា លោកតាអាយុ១៤៦ឆ្នាំ ដែលត្រូវបានគេចាត់ទុកជាមនុស្សចាស់គេរស់នៅក្នុងប្រទេសឥណ្ឌូនេស៊ី បានទទួលមរណភាពហើយ។
ឥណ្ឌូនេស៊ី៖ តាមប្រភពព័ត៌មាន Channel Newsasia បានឲ្យដឹងថា លោកតាអាយុ១៤៦ឆ្នាំ ដែលត្រូវបានគេចាត់ទុកជាមនុស្សចាស់គេរស់នៅក្នុងប្រទេសឥណ្ឌូនេស៊ី បានទទួលមរណភាពហើយ។
លោកតា Sodimejo ដែលគេហៅថា Mbah Gotho មកពីកោះជ្វាប្រទេសឥណ្ឌូនេស៊ី បានស្លាប់កាលពីថ្ងៃទី៣០ខែមេសាកន្លងមកនេះ បន្ទាប់ពីបានបញ្ជូនទៅមន្ទីរពេទ្យ Sragen ពីរថ្ងៃមុនថ្ងៃស្លាប់។
ខាងប៉ូលីសបានប្រាប់ថា៖ «លោកតាត្រូវបានគេបញ្ជូនទៅមន្ទីរពេទ្យដើម្បីទទួលការព្យាបាលនឹងមើលថែទាំ តែលោកតាប្រកែកចង់មកផ្ទះវិញ»។
មូលហេតុដែលគេថាលោកតាមានអាយុ១៤៦ឆ្នាំ គឺមកពីលោកតាបង្ហាញអត្តសញ្ញាណប័ណ្ណរបស់លោកតា ដែលបង្ហាញថាបានកើតនៅខែធ្នូ ឆ្នាំ១៨៧០។ តាំងពីពេលកើតរហូតដល់ពេលស្លាប់ លោកតាមិនដែលមានជម្ងឺអ្វីធ្ងន់ធ្ងរឡើយ។
អ្វីដែលកាន់តែកំសត់សម្រាប់លោកតា គឺប្រពន្ធទាំង៤នាក់ និង កូនៗទាំង៣នាក់ សុទ្ធតែផុតអាយុ ហើយស្លាប់ចោលលោកតាអស់ ព្រោះលោកតាអាយុវែងពេក។
លោកតាធ្លាប់ប្រាប់មកខាងព័ត៌មាននាពេលកន្លងមកថា៖ «ខ្ញុំចង់ស្លាប់តាំងពីយូរមកហើយ។ ប្រពន្ធកូន និង បងប្អូនទាំងអស់ សុទ្ធតែស្លាប់ចោលខ្ញុំអស់ហើយ។ ខ្ញុំមានតែត្រូវទ្រាំរស់ជាមួយនឹងព្រហ្មលិខិតដែលតម្រូវឲ្យខ្ញុំអាយុវែងបែបនេះ»។
គួរបញ្ជាក់ផងដែរថា លោកតាបានទទួលមរណភាព ក្រោយការស្លាប់របស់ស្ត្រីចាស់ជាងគេនៅម៉ាឡេស៊ី៣ថ្ងៃ៕
ចែករំលែកព័តមាននេះ