១-ឆ្កែទម្ងន់ប៉ុនកូនដំរី
«Balthazar»ជាឆ្កែធំមួយនៅអង់គ្លេសធ្វើឱ្យម្ចាស់ភ្ញាក់ផ្អើលនៅពេលថ្លឹងមានទម្ងន់ជិត១០០គីឡូក្រាម ឬប្រហាក់ប្រហែលកូនដំរី ។ ម្ចាស់ចំណាយជាង១០០ដុល្លារទិញចំណីឱ្យវាក្នុងមួយខែ ។
២-ខ្លាចសង្គ្រាមនាំគ្នាធ្វើលេណដ្ឋាននៅជប៉ុន
ក្រុមហ៊ុនមួយចំនួននៅជប៉ុន បង្ហើបឱ្យដឹងថាមានចំនួនអតិថិជនបញ្ជាឱ្យបង្កើតលេណដ្ឋានគេចពីនុយក្លេរអ៊ែរកើនខ្ពស់ ក្រោយពីកូរ៉េខាងជើងគម្រាមបាញ់កាលពីពេល ថ្មីៗកន្លងទៅ ។
៣-ឧស្សាហកម្មទេសចរណ៍នៅកូរ៉េខាងត្បូងធ្លាក់ចុះ
ឧស្សាហកម្មទេសចរណ៍កូរ៉េខាងត្បូង រងការប៉ះពាល់ពីការដាក់ទណ្ឌកម្មរបស់ចិន ដោយសារការបំពាក់ប្រព័ន្ធការពារមីសុីលរបស់អាមេរិកធ្វើឱ្យភ្ញៀវទេសចរថយចុះ៤០% កាលពីខែមីនា ២០១៧ ។
៤-«ប៊ីវើ»(Biver)ក្លាយជាមេកន្ទ្រាញនាំហ្វូងគោ
ប៊ីវើ(Biver)ជាសត្វរស់នៅលើគោក និងទឹកមានលក្ខណៈស្រដៀងសត្វភេរ គ្រងតំណែងជាមេហ្វូងគោប្រហែល១៥០ក្បាល នៅក្នុងកសិដ្ឋានចិញ្ចឹមគោមួយក្នុងប្រទេសកាណាដា ប្រសិនបើសត្វទាំងនោះដើរទៅណាមានគោដើរតាម ។
៥-ស្មានថាហ៊ីង ចាប់គីង្គក់ទទួលទានបណ្តាលឱ្យពុលស្លាប់
បុរសម្នាក់រួមជាមួយមិត្តភក្តិដើរចាប់កង្កែបនៅអាងស្តុកទឹកមួយមកទទួលទាន និងគិតថា៥ក្បាលដែលចាប់បានជាហុីង ក៏យកមកទទួលទានជាអាហារ បណ្តាឱ្យស្លាប់ម្នាក់ ដោយគ្រូពេទ្យបញ្ជាក់ថា តាមពិតជាសត្វគីង្គក់ទើបពុលស្លាប់ ។
៦-អនាគតប្រធានាធិបតីបារាំងរៀបការជាមួយអ្នកគ្រូមានវ័យចាស់ជាង២៥ឆ្នាំ
លោកអេមម៉ានូអែល ម៉ាក្រុង អនាគតប្រធានាធិបតីបារាំងអាយុ៣៩ឆ្នាំ បច្ចុប្បន្នមានប្រពន្ធអាយុ៦៤ឆ្នាំអតីតជាគ្រូបង្រៀន ។
៧-ចិនបញ្ចេញនាវាផ្ទុកយន្តហោះផលិតដោយខ្លួនឯង
ចិនបានផលិតនាវាផ្ទុកយន្តហោះដោយខ្លួនឯងដាក់ឱ្យដំណើរការក្នុងមហាសមុទ្រកាលពីពេល ថ្មីៗកន្លងមក និងជាផ្នែកមួយបង្ហាញសក្តានុពលយោធានៅដែនសមុទ្រ ។
៨-ជប៉ុនបង្ហាញមុខតុក្កតាបំភាន់ភ្នែកចោរដែលលួចត្រីមាស
ផ្ទៃមុខតុក្កតាដើម្បីបំភាន់ភ្នែកចោរដែលលួចត្រីមាសជាច្រើនលើក និងជាផ្នែកមួយជួយការពារចោរ ព្រោះក្នុងភ្នែកតុក្កតាមានបំពាក់ដោយម៉ាសុីនថតសុវត្ថិភាព ។
៩-បុរសម្នាក់ចូលលួចបាយព្រោះគ្មានការងារធ្វើ
ប៉ូលិសបានចាប់ខ្លួនជនចំណាកស្រុកម្នាក់ដែលលួចបាយនិងម្ហូប ខណៈពេលសាមីខ្លួនបង្ហើបឱ្យដឹងថា ដើរលួចព្រោះគ្មានការងារយកអាហារទៅចែកឱ្យមិត្តភក្តិដើម្បីបានរស់ ។
១០-គ្រូពេទ្យឱ្យអ្នកជំងឺលេងហ្គេមតាមទូរស័ព្ទដើម្បីបំបាត់ការភ័យខ្លាច
ស្ត្រីអ្នកជំងឺអាយុ៦៩ឆ្នាំម្នាក់ កើតអាការភ័យខ្លាចនៅពេលវះកាត់ ទើបគ្រូពេទ្យអនុញ្ញាតឱ្យលេងហ្គេមតាមទូរស័ព្ទដៃ ព្រោះគាត់បញ្ជាក់ថា ការលេងហ្គេមក្នុងពេលវះកាត់ទើបធ្វើឱ្យបាត់ភ័យខ្លាច៕
ចែករំលែកព័តមាននេះ