ឱលោកកូនអើយ! គ្រាន់តែបន្ទោសបន្តិចសោះ ចាំបាច់ធ្វើបែបនេះ
ខេត្តឧត្តរមានជ័យ ៖ បុរសម្នាក់មានវ័យចំណាស់ដែរ គ្រាន់តែម្តាយបង្កើតជេរស្តីបន្ទោសបន្តិចបន្ទួចសោះ អីក៏ថើមធំហ៊ានទាញឈើជ្រុងវាយក្បាលម្តាយ ហេតុការណ៍នេះកើង
ខេត្តឧត្តរមានជ័យ ៖ បុរសម្នាក់មានវ័យចំណាស់ដែរ គ្រាន់តែម្តាយបង្កើតជេរស្តីបន្ទោសបន្តិចបន្ទួចសោះ អីក៏ថើមធំហ៊ានទាញឈើជ្រុងវាយក្បាលម្តាយ ហេតុការណ៍នេះកើងឡើងកាលពីវេលាម៉ោង៩និង១០នាទីយប់ ថ្ងៃទី៣ ខែឧសភា ឆ្នាំ២០១៧ ស្ថិតក្នុងភូមិអភិវឌ្ឍន៍ សង្កាត់អូរស្មាច់ ក្រុងសំរោង។
កូនចិត្តសាហាវវាយម្តាយបង្កើតនោះឈ្មោះ ម៉ាត់ លី ភេទប្រុស អាយុ៣៧ឆ្នាំ ចំណែកស្ត្រីរងគ្រោះត្រូវជាម្តាយឈ្មោះ លឹម ម៉ី អាយុ៦៥ឆ្នាំ រងរបួសបែកចិញ្ចើមផ្នែកខាងស្តាំ ទាំង២នាក់ម្តាយនិងកូនរស់នៅក្នុងភូមិ-ឃុំកើតហេតុខាងលើ។
ប៉ូលិសប៉ុស្តិ៍រដ្ឋបាលបានឱ្យដឹងថា ស្ត្រីរងគ្រោះជាម្តាយបង្កើតមានវ័យចាស់ជរាទៅហើយបានទៅជ្រកកោនរស់នៅជាមួយនឹងកូនប្រុសដែលមានប្រពន្ធកូន ។ ខណៈនោះបុរសរូបនេះតែងតែដើរផឹកស៊ីបាត់ៗទាំងយប់ថ្ងៃ ដោយមិនគិតពីការងាររកស៊ីចិញ្ចឹមក្រុមគ្រួសារទេ ហើយមុនពេលកើតហេតុស្ត្រីជាម្តាយបានជេរស្តីបន្ទោសបន្តិចបន្ទួច ស្រាប់តែលោកកូនទាញយកឈើជ្រុងមកវាយម្តាយតែម្តង។ ក្រោយពីកើតហេតុពលរដ្ឋរស់នៅជិតខាងបានទូរស័ព្ទរាយការណ៍ទៅសមត្ថកិច្ច ហើយសមត្ថកិច្ចបានចុះទៅបង្ក្រាបភ្លាមៗ ហើយឃាត់ខ្លួនបុរសនោះមកសាកសួរ និងចាត់ការទៅតាមច្បាប់៕
ចែករំលែកព័តមាននេះ