រាជធានីភ្នំពេញ ៖ ទោះបីអាជ្ញាធររាជធានីភ្នំពេញ នៅតែបន្តខាតបង់ប្រាក់រាប់ម៉ឺនដុល្លារ ដែលត្រូវចំណាយទៅលើសេវាខ្សែរថយន្តក្រុងដឹកជញ្ជូនអ្នកដំណើរជារៀងរាល់ខែក្តី ប៉ុន្តែអាជ្ញាធរនៅតែខិតខំពុះពារបន្តដំណើរទៅមុខទៀត ដោយមិនរាថយឡើយ ព្រមទាំងបានពង្រីកខ្សែរត់ចំនួន៥បន្ថែមទៀត នៅពាក់កណ្តាលឆ្នាំ២០១៧ នេះ ។
រាជធានីភ្នំពេញ ៖ ទោះបីអាជ្ញាធររាជធានីភ្នំពេញ នៅតែបន្តខាតបង់ប្រាក់រាប់ម៉ឺនដុល្លារ ដែលត្រូវចំណាយទៅលើសេវាខ្សែរថយន្តក្រុងដឹកជញ្ជូនអ្នកដំណើរជារៀងរាល់ខែក្តី ប៉ុន្តែអាជ្ញាធរនៅតែខិតខំពុះពារបន្តដំណើរទៅមុខទៀត ដោយមិនរាថយឡើយ ព្រមទាំងបានពង្រីកខ្សែរត់ចំនួន៥បន្ថែមទៀត នៅពាក់កណ្តាលឆ្នាំ២០១៧ នេះ ។
ជាក់ស្តែង នៅក្នុងកិច្ចប្រជុំគណៈកម្មការអាជីវកម្មរដ្ឋាករស្វយ័តដឹកជញ្ជូនសាធារណៈរថយន្តក្រុងរាជធានីភ្នំពេញ កាលពីថ្ងៃទី២មេសា លោកអ៊ាង សុខឃីម អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុងរាជធានីភ្នំពេញបានឱ្យដឹងថា ការសម្រេចបន្ថែមសេវារថយន្តក្នុងសាធារណៈមានចំនួន៥ខ្សែទៀតនេះ គឺធ្វើឡើងបន្ទាប់ពីរដ្ឋាភិបាលចិន នឹងបញ្ជូនរថយន្តក្រុងចំនួន១០០គ្រឿងមកឱ្យសាលារាជធានី នៅក្នុងអំឡុងខែមិថុនា ឬខែកក្កដា ២០១៧ ខាងមុខនេះ។
លោកបន្តថា តាមផែនការប្រព័ន្ធផ្លូវរត់ទាំង៥ខ្សែនេះ ទី១-ចេញដំណើរពីផ្សារធំថ្មី ដល់តំបន់សេដ្ឋកិច្ចពិសេស ទី២-ចេញដំណើរពីគល់ស្ពានព្រះមុន្នីវង្ស ដល់ស្ពានព្រែកព្នៅ ទី៣-ចេញពីចំណតរថយន្តព្រែកលៀប ដល់ផ្សារសេនជូរីផ្លាហ្សា ទី៤-ពីចេញពីគល់ស្ពានមុនីវង្ស ដល់វត្តស្លែង និងទី៥-ចេញពីរង្វង់មូលគួចកាណុងដល់ ដល់ស្ពានព្រះមុនីវង្ស ។ សេវាដឹកជញ្ជូនទាំង៥ខ្សែនេះ ត្រូវប្រើប្រាស់រថយន្តក្រុងចំនួន១០០គ្រឿង និងមានចំណតរងចាំចំនួន៣៦០ចំណត និងស្ថានីយចំណតចំនួន១០កន្លែង ហើយការសម្រេចជ្រើសរើសយកផ្លូវសំខាន់ៗទាំង៥ខ្សែនេះ គឺយោងតាមរការសិក្សារបស់អង្គការចៃការ ដោយមានចំនួនប្រជាពលរដ្ឋរស់នៅច្រើន មានគ្រឹះស្ថានសាធារណៈរបស់រដ្ឋ និងឯកជន រោងចក្រ បុរី សាលារៀន មន្ទីរពេទ្យ និងផ្សារជាដើម ។
ចែករំលែកព័តមាននេះ