កូរ៉េខាងជើងព្រមាននាថ្ងៃទី១ ឧសភាថា ខ្លួនត្រៀមធ្វើការសាកល្បងនុយក្លេអ៊ែរលើកទី៦ ពេលណាក៏បាន ។ ការប្រកាសនោះធ្វើឡើងពេលតានតឹងមានខ្ពស់រួចហើយនៅឧបទ្វីបកូរ៉េ ។
អ្នកឯកទេសទាំងឡាយចាប់តាំងពីច្រើនសប្តាហ៍មកហើយដោយពឹងផ្អែកលើការវិភាគបណ្តារូបភាពផ្កាយរណបយល់ថា ក្រុងព្យុងយ៉ាងពិតជាត្រៀមធ្វើការសាកល្បងនុយក្លេអ៊ែរលើកទី៦ ។
នាថ្ងៃទី១ ឧសភា អ្នកនាំពាក្យក្រសួងការពារជាតិកូរ៉េខាងជើងអះអាងថា ក្រុងព្យុងយ៉ាងត្រៀមទាំងស្រុងឆ្លើយតបរាល់ការជ្រើសរើសរបស់សហរដ្ឋអាមេរិក ។ ក្នុងសេចក្តីប្រកាសមួយផ្សាយតាមទីភ្នាក់ងារព័ត៌មានកូរ៉េខាងជើង KCNA អ្នកនាំពាក្យរូបនោះអះអាងថា ក្រុងព្យុងយ៉ាងនឹងបន្តពង្រឹងសមត្ថភាពខាងការវាយប្រហារនុយក្លេអ៊ែរបង្ការ បើដរាបណា ក្រុងវ៉ាស៊ីនតោនពុំបោះបង់ចោលនយោបាយប្រទូស្តរ៉ាយរបស់ខ្លួនទេនោះ ៕
ចែករំលែកព័តមាននេះ