ខេត្តបាត់ដំបង ៖ បុរសជនជាតិចិនម្នាក់បានស្លា.ប់ បន្ទាប់ពីស៊ុមកញ្ចក់ ទម្ងន់ជាង២តោនរលំសង្កត់លើ ដែលហេតុការណ៍នេះ
កើតឡើង កាលពីវេលាម៉ោង០៩យប់ថ្ងៃទី៣០ មេសា ស្ថិតនៅក្នុងក្រុមហ៊ុន «វាងកាង» ក្នុងភូមិអូរត្រែង ឃុំផ្លូវមាស ស្រុករតនមណ្ឌល ។
ខេត្តបាត់ដំបង ៖ បុរសជនជាតិចិនម្នាក់បានស្លាប់ បន្ទាប់ពីត្រូវស៊ុមកញ្ចក់មានទម្ងន់ជាង២តោន រលំសង្កត់លើរងរបួសយ៉ាងធ្ងន់ធ្ងរ ដែលហេតុការណ៍នេះកើតឡើង កាលពីវេលាម៉ោង០៩យប់ថ្ងៃទី៣០ មេសា ស្ថិតនៅក្រុមហ៊ុន «វាងកាង» ក្នុងភូមិអូរត្រែង ឃុំផ្លូវមាស ស្រុករតនមណ្ឌល ។
ប្រភពឱ្យដឹងថា ជនរងគ្រោះដែលស្លាប់ឈ្មោះហ្វា ជិនស៊ីន ភេទប្រុស អាយុ៣០ឆ្នាំ រស់នៅខេត្តហ៊ួណាន ប្រទេសចិន ។ បើលោកអធិការស្រុករតនមណ្ឌលនិយាយថា ជនរងគ្រោះត្រូវស៊ុមកញ្ចក់មានទម្ងន់២,២៣២Kg រលំសង្កត់លើបណ្ដាលឲ្យបាក់ជើងទាំង២ និងសង្កត់លើទ្រូងរបួសធ្ងន់ធ្ងរ ហើយបានស្លាប់ពេលបញ្ជូនដល់មន្ទីពេទ្យខេត្ត ។
បើតាមការបំភ្លឺពីកម្មករក្នុងក្រុមហ៊ុនថា នៅយប់កើតហេតុនោះ ជនរងគ្រោះជាមួយកម្មករប៉ុន្មាននាក់ទៀត បានលើករំកិលស៊ុមកញ្ចក់ចេញពីក្នុងកុងតឺន័រ មកតម្រៀបនៅខាងក្រៅ ។ ពេលរំកិលយកមកដាក់ផ្នែកកុងតឺន័រ ដើម្បីឱ្យសាក់ស័រលើក តែមិនទាន់បានលើកផង ស្រាប់តែស៊ុំកញ្ចក់នោះបានរលំសង្កត់លើជនរងគ្រោះ ជាប់ដូចសត្វកណ្ដុរជាប់អង្គប់ដែរ ។ ដោយរងរបួសធ្ងន់ធ្ងរ លុះដឹកដល់ពេទ្យជនរងគ្រោះក៏ដាច់ខ្យល់ស្លាប់ ។
ចែករំលែកព័តមាននេះ