រាជធានីភ្នំពេញ ៖ កាលពីវេលាម៉ោងប្រមាណជាជាង៧និង៣០នាទីព្រឹក ថ្ងៃទី៣០ ខែមេសា ឆ្នាំ២០១៧ នេះមានករណីភ័យឆោឡោមួយបានកើតឡើងនៅក្នុងផ្ទះសំណាក់យីយោ«លី លី» ដែលស្ថិតក្នុងផ្លូវលំចោមចៅ សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ កាលពីវេលាម៉ោងប្រមាណជាជាង៧និង៣០នាទីព្រឹក ថ្ងៃទី៣០ ខែមេសា ឆ្នាំ២០១៧ នេះមានករណីភ័យឆោឡោមួយបានកើតឡើងនៅក្នុងផ្ទះសំណាក់យីយោ«លី លី» ដែលស្ថិតក្នុងផ្លូវលំចោមចៅ សង្កាត់ចោមចៅ ខណ្ឌពោធិ៍សែនជ័យ ។
តាមសេចក្តីរាយការណ៍ពីភ្នាក់ងារសារព័ត៌មានកោះសន្តិភាពបានឱ្យដឹងថា ផ្ទះសំណាក់ខាងលើគឺបានបិទទ្វារអស់រយៈពេលជាង១ឆ្នាំមកហើយដោយសារតែធ្លាប់មានអំពើឃាតកម្មកើតឡើងនៅក្នុងផ្ទះសំណាក់នោះ ។
ហេតុការណ៍ភ្ញាក់ផ្អើលឆោឡោនោះបានកើតឡើងបន្ទាប់ពីមានអ្នកជិតខាងដែលរស់នៅក្បែរផ្ទះសំណាក់ខាងលើបានឮសម្លេងស្រែកថា «ជួយផងៗ» ចេញពីផ្ទះសំណាក់ខាងលើដែលស្តាប់ទៅគួរឱ្យព្រឺឆ្អឹងខ្នង ។ ភ្លាមៗនោះដែរគាត់ក៏បានរាយការណ៍ទៅកាន់សមត្ថកិច្ចមូលដ្ឋាន ហើយសមត្ថកិច្ចរួមជាមួយប៉េអឹមនឹងអាជ្ញាធរមូលដ្ឋានជាច្រើនបានចុះទៅកាន់កន្លែងកើតហេតុភ្លាមៗផងដែរដើម្បីធ្វើការត្រួតពិនិត្យ ។ ដោយឡែកម្ចាស់ផ្ទះសំណាក់ខាងលើគឺនៅឯប្រទេសអូស្ត្រាលីឯណោះ ទើបសមត្ថកិច្ចឱ្យប្អូនប្រុសម្ចាស់ផ្ទះសំណាក់នោះចាក់សោរបើកទ្វារដើម្បីចូលពិនិត្យតើ សម្លេងនោះជាសម្លេងអ្វី?
ជាលទ្ធផលក្រោយពីសមត្ថកិច្ចបានធ្វើការត្រួតពិនិត្យទាំងក្នុងផ្ទះ និងជុំវិញបរិវេណផ្ទះសំណាក់នោះពុំមានឃើញអ្វីដែលជាការកត់សម្គាល់នោះទេ ឬអំពើឃាតកម្មអ្វីកើតឡើងក្នុងផ្ទះសំណាក់នោះផងដែរ ចំពោះសម្លេងដែលអ្នកជិតខាងបានឮចេញពីផ្ទះសំណាក់នោះសមត្ថកិច្ចមិនអាចសន្និដ្ឋានបានទេថា ជាសម្លេងពិតប្រាកដចេញពីផ្ទះសំណាក់នោះមែនឬយ៉ាងណានោះទេ ខណៈដែលសមត្ថកិច្ចធ្វើការត្រួតពិនិត្យមិនបានឃើញអ្វីទាំងអស់ ៕
ចែករំលែកព័តមាននេះ