ផ្ទុះជម្លោះរវាងអ្នករត់តាក់ស៊ី និងអ្នកយកភាស៊ី
ខេត្តកំពង់ចាម ៖ ជម្លោះរវាងអ្នកបើករថយន្តឈ្នួល និងអ្នកយកភាស៊ីរថយន្តរហូតឈានដល់មានការប្រវាយប្រតប់គ្នានៅត្រង់កន្លែងបង់លុយលើផ្លូវជាតិលេខ៧១អា ហេតុការណ៍នេះកើតឡើងនៅ
ខេត្តកំពង់ចាម ៖ ជម្លោះរវាងអ្នកបើករថយន្តឈ្នួល និងអ្នកយកភាស៊ីរថយន្តរហូតឈានដល់មានការប្រវាយប្រតប់គ្នានៅត្រង់កន្លែងបង់លុយលើផ្លូវជាតិលេខ៧១អា ហេតុការណ៍នេះកើតឡើងនៅ
ខេត្តកំពង់ចាម ៖ ជម្លោះរវាងអ្នកបើករថយន្តឈ្នួល និងអ្នកយកភាស៊ីរថយន្តរហូតឈានដល់មានការប្រវាយប្រតប់គ្នានៅត្រង់កន្លែងបង់លុយលើផ្លូវជាតិលេខ៧១អា ហេតុការណ៍នេះកើតឡើងនៅថ្ងៃទី២៩ ខែមេសា ឆ្នាំ២០១៧ វេលាម៉ោង០៧និង៥០នាទីព្រឹក ត្រង់ភូមិច្រណោម ឃុំបុសខ្នុរ ស្រុកចំការលើ ថែមទាំងឈានដល់មានការបិទផ្លូវថែមទៀត ប៉ុន្តែរហូតដល់វេលាម៉ោង៩និង៣០នាទីព្រឹក ទើបចរាចរណ៍ដំណើរការជាធម្មតាឡើងវិញនោះ។
លោកវរសេនីយ៍ឯក ខេង ស្រេង អធិការនគរបាលស្រុកចំការលើប្រាប់ឱ្យដឹងថា ក្រោយពីសមត្ថកិច្ចយើងទទួលព័ត៌មានពីលោកអភិបាលស្រុកតាមរយៈទូរស័ព្ទថា មានករណីឈ្លោះប្រកែក និងប្រើអំពើហិង្សារវាងអ្នកយកភាស៊ីឡាននៅភូមិច្រណោម និងអ្នកបើករបររថយន្ដតាក់ស៊ីជាច្រើននាក់ធ្វើឲ្យកកស្ទះផ្លូវ។ ក្រោយពីទទួលបានព័ត៌មានភ្លាមលោកអធិការស្រុកចំការលើ បានចាត់កម្លាំងជំនាញនៃអធិការដ្ឋាន ដឹកនាំដោយលោកវរសេនីយ៍ត្រី សហការជាមួយកម្លាំងប៉ុស្ដិ៍នគរបាលរដ្ឋបាល ចុះទៅកន្លែងកើតហេតុនៅចំណុចបេនរថយន្ដលើផ្លូវលេខ៧១អា ស្ថិតក្នុភូមិច្រណោម ។ ពេលលោកចុះទៅដល់ពិតជាមានករណីហិង្សាដោយចេតនាកើតឡើងប្រាកដមែន ដោយមានរថយន្ដរត់តាក់ស៊ីចតពេញផ្លូវធ្វើឲ្យកកស្ទះដល់អ្នកធ្វើដំណើរ ។
ខណៈនោះយើងបានធ្វើការនាំខ្លួនជនសង្ស័យចំនួន០៣នាក់ ក្នុងនោះមាន ១-ឈ្មោះ ឡេង លីដា ភេទប្រុស អាយុ៣៧ឆ្នាំ ជនជាតិខ្មែរ មុខរបរអ្នកម៉ៅការភាស៊ីឡាន មានទីលំនៅភូមិទី១៥ សង្កាត់កំពង់ចាម ខេត្តកំពង់ចាម ២-ឈ្មោះ ហ៊ាង ខួច ភេទប្រុស អាយុ២៦ឆ្នាំ ជនជាតិខ្មែរ មុខរបរជាកម្មករយកភាស៊ីឡាន មានទីលំនៅភូមិដីដុះ សង្កាត់ដីដុះ ខេត្តកំពង់ចាម និង៣-ឈ្មោះ យ៉ន វណ្ណៈ ភេទប្រុស អាយុ២៧ឆ្នាំ ជនជាតិខ្មែរ មុខរបរជាកម្មករយកភាស៊ីឡាន មានទីលំនៅភូមិក្បាលហុងថ្មី ឃុំល្វាលើ ស្រុកចំការលើ ខេត្តកំពង់ចាម ។
លោកវរសេនីយ៍បន្តទៀតថា លោកបាននាំខ្លួនជនសង្ស័យទាំង៣នាក់មកកាន់អធិការដ្ឋាននគរបាលស្រុកចំការលើ ដើម្បីធ្វើការសាកសួរផងដែរ។ ហើយនៅរសៀលថ្ងៃដដែលក៏មានការប្រជុំនៅសាលាស្រុកចំការលើ ដើម្បីដោះស្រាយកុំឱ្យមានបញ្ហាបន្តទៅទៀតនោះ៕
ចែករំលែកព័តមាននេះ