រាជធានីភ្នំពេញ ៖ សេចក្តីរាយការណ៍បឋមឱ្យដឹងថា គ្រោះថ្នាក់ចរាចរណ៍មួយបានកើតឡើង រវាងរថយន្តហ៊ីយ៉ាន់ដាយដឹកដែក បុកជាមួយរថយន្តកាមរីបាឡែន បណ្ដាលឱ្យរួញផ្នែកខាងមុខទាំងស្រុងដូចគ្នា ។ ហើយអ្នកបើករថយន្តកូរ៉េដឹកដែកបានស្លា.ប់
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា គ្រោះថ្នាក់ចរាចរណ៍មួយបានកើតឡើង រវាងរថយន្តហ៊ីយ៉ាន់ដាយដឹកដែក បុកជាមួយរថយន្តកាមរីបាឡែន បណ្ដាលឱ្យរួញផ្នែកខាងមុខទាំងស្រុងដូចគ្នា ។ ហើយអ្នកបើករថយន្តកូរ៉េដឹកដែកបានស្លាប់ ពេលបញ្ជូនទៅសង្គ្រោះបន្ទាន់ និងព្រូម្នាក់បានរងរបួសធ្ងន់ ហេតុការណ៍ដ៏រន្ធត់នេះ កើតឡើងកាលពីវេលាម៉ោង០៥ និង៣០នាទីព្រឹកថ្ងៃទី២៩ មេសា នេះ ស្ថិតនៅផ្លូវជាតិលេខ៣ ត្រង់ចំណុចខាងត្បូងវត្តស្លែង ក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
ប្រភពឱ្យដឹងថា រថយន្តមួយគ្រឿងម៉ាកហ៊ីយ៉ាន់ដាយ មានដឹកដែក ពណ៌.ស ពាក់ស្លាកលេខភ្នំពេញ2H-3361 ហើយបុរសអ្នកបើកបរ និងព្រូមិនត្រូវបានគេស្គាល់ឈ្មោះឡើយ ។ រីឯរថយន្តកាមរីបាឡែន ពាក់ស្លាកលេខភ្នំពេញ 2I-1166 ដោយអ្នកបើកមិនត្រូវស្គាល់ឈ្មោះដែរ ដែលរថយន្តទាំងពីរគ្រឿងនោះ បានរងការខូចខាតខ្ទេចមុខទាំងស្រុងដូចគ្នា ។
នៅមុនពេលកើតហេតុ រថយន្តទាំងពីរគ្រឿងបានបើកបញ្ច្រាសគ្នា ដោយរថយន្តម៉ាកហ៊ីយ៉ាន់ដាយដឹកដែក ធ្វើដំណើរក្នុងទិសដៅពីជើងទៅត្បូង ឯរថយន្តកាមរីបាឡែន បើកក្នុងទិសដីពីត្បូងទៅជើងក្នុងល្បឿនលឿនដូចគ្នា ។ លុះទៅដល់ចំណុចកើតហេតុ មិនដឹងថា មានបញ្ហាអ្វី ទើបបុកគ្នាពេញទំហឹងបែបនេះ ។ ក្រោយកើតហេតុ គេឃើញសមត្ថកិច្ចចរាចរណ៍បានចុះអន្តរាគមន៍ និងធ្វើការវាស់វែង ។
ចែករំលែកព័តមាននេះ