សវនាជំនុំជម្រះរឿងឃាតក.ម្មកូនថៅកែនំបុ័ង
រាជធានីភ្នំពេញ ៖ តុលាការកំពូលកាលពីព្រឹកថ្ងៃ២៦ ខែមេសា ឆ្នាំ២០១៧ បានបើកសវនាការជំនុំជម្រះរឿងក្ដីឃាតក.ម្មគិតទុកជាមុនលើកូនប្រុសថៅកែហាងនំបុ័ងយីហោ ហេង ចេង នៅក្រុងតាខ្មៅ ។
រាជធានីភ្នំពេញ ៖ តុលាការកំពូលកាលពីព្រឹកថ្ងៃ២៦ ខែមេសា ឆ្នាំ២០១៧ បានបើកសវនាការជំនុំជម្រះរឿងក្ដីឃាតក.ម្មគិតទុកជាមុនលើកូនប្រុសថៅកែហាងនំបុ័ងយីហោ ហេង ចេង នៅក្រុងតាខ្មៅ ។
រាជធានីភ្នំពេញ ៖ តុលាការកំពូលកាលពីព្រឹកថ្ងៃ២៦ ខែមេសា ឆ្នាំ២០១៧ បានបើកសវនាការជំនុំជម្រះរឿងក្ដីឃាតកម្មគិតទុកជាមុនលើកូនប្រុសថៅកែហាងនំបុ័ងយីហោ ហេង ចេង នៅក្រុងតាខ្មៅ ។
ក្នុងសវនាការនេះជនជាប់ចោទឈ្មោះ សេង ចាន់ធី និងជនជាប់ចោទឈ្មោះ សេង សុក បានបដិសេធរាល់ការចោទប្រកាន់ ពោលគឺផ្ទុយទៅនឹងចម្លើយដែលធ្លាប់សារភាពនៅតុលាការថ្នាក់ក្រោម។ ចំណែកលោក ពេជ្រ សម្បត្តិ មេធាវីការពារជនរងគ្រោះបានសំណូមពរសុំឲ្យតុលាការកំពូលតម្កល់សាលដីការបស់សាលាឧទ្ធរណ៍ទុកជាបានការដដែល ។ ក្រោយការសួរដេញដោលរួចហើយ ប្រធានក្រុមប្រឹក្សាជំនុំជម្រះតុលាការកំពូលលោកស្រី គិម សត្ថាវី បានបញ្ជាក់ថា រឿងក្តីនេះនឹងប្រកាសសាលដីកានៅព្រឹកថ្ងៃទី២៤ ខែឧសភា ខាងមុខនេះ ។
គួរបញ្ជាក់ថា លោក ចាយ ច័ន្ទតារាវណ្ណ ប្រធានក្រុមប្រឹក្សាជំនុំជម្រះសាលាឧទ្ធរណ៍ កន្លងទៅ សម្រេចដាក់គុកលើឈ្មោះ សេង ចាន់ធី មួយជីវិតដដែល ។ កែប្រែបទចោទលើ ឈ្មោះ ឥន្ធ រស្មី និងឈ្មោះ សេង សុក ពីដាក់ពន្ធនាគារមួយឆ្នាំមកជា១៥ឆ្នាំវិញ ពីបទសមគំនិតក្នុងអំពើឃាតកម្មគិតទុកជាមុន និងបទបង្ខាំងមនុស្សខុសច្បាប់ តាមមាត្រា ២៩ មាត្រា ២០០ និង មាត្រា ២៥៤ នៃក្រមព្រហ្មទណ្ឌ ។ ក្នុងនោះលោកចៅក្រម ក៏សម្រេចដាក់មាត្រា ៩៣ និង ៩៤ នៃក្រមព្រហ្មទណ្ឌ ដែលជាមាត្រាសម្រាលទោសផងដែរ ។
គួររំលឹកថា សពជនរងគ្រោះឈ្មោះ ហេង ពិសិដ្ឋ អាយុ២៥ឆ្នាំ រៀននៅសាកលវិទ្យាល័យឯកជនមួយនារាជធានីភ្នំពេញ ជាកូនថៅកែហាងនំបុ័ងយីហោ ហេង ចេង ត្រូវបានប្រជាពលរដ្ឋប្រទះឃើញកាលពីថ្ងៃទី១៩ កក្កដា ២០១៤ អណ្ដែតទឹកក្បែរជើងភ្នំកក់ ស្ថិតក្នុងភូមិតារាជចុងកើត ឃុំកក់ស្រុកបរសេដ្ឋ ខេត្តកំពង់ស្ពឺ ។ សាច់ញាតិជនរងគ្រោះបាននិយាយថា ជនរងគ្រោះបានបាត់ខ្លួនពីផ្ទះតាំងពីព្រឹកថ្ងៃទី១៧ កក្កដា ២០១៤ មកម្ល៉េះ ។ ជនរងគ្រោះបានជិះរថយន្តមួយគ្រឿងចេញពីផ្ទះម៉ាកឡិចស៊ីស៤៧០ ពណ៌ខ្មៅ មិនដឹងទៅទីណា។ សមត្ថកិច្ចខេត្តកណ្តាលបានឃើញរថយន្តរបស់ជនរងគ្រោះផ្លុងចោលនៅផ្លូវចូលបុរីស្វាយរលំ ក្នុងដីឧកញ៉ា ថោង សារ៉ាត់ ស្ថិតក្នុងភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។ ផ្អែកតាមវត្ថុតាង និង ចម្លើយរបស់សាក្សី សមត្ថកិច្ចបានស្រាវជ្រាវរហូតឈានដល់ការឃាត់ខ្លួនជនសង្ស័យចំនួន3នាក់តែម្តង ៕
ចែករំលែកព័តមាននេះ