សម្រាប់ទិវាបង្កើតកងទ័ពរបស់ខ្លួនកូរ៉េខាងជើងបានរៀបចំសមយុទ្ធបា.ញ់កាំភ្លើ.ងធំយ៉ាងធំមួយ ពិសេសនៅមាត់សមុទ្រជិតក្រុងកំពង់ផែ WONSAN ដែលសមយុទ្ធនេះដឹកនាំធ្វើផ្ទាល់ដោយលោកគីម ជុងអ៊ុន គឺលោកទៅពិនិត្យផ្ទាល់ ។
សម្រាប់ទិវាបង្កើតកងទ័ពរបស់ខ្លួនកូរ៉េខាងជើងបានរៀបចំសមយុទ្ធបាញ់កាំភ្លើងធំយ៉ាងធំមួយ ពិសេសនៅមាត់សមុទ្រជិតក្រុងកំពង់ផែ WONSAN ដែលសមយុទ្ធនេះដឹកនាំធ្វើផ្ទាល់ដោយលោកគីម ជុងអ៊ុន គឺលោកទៅពិនិត្យផ្ទាល់ ។
កម្មវិធីនាឱកាសទិវាកងទ័ពនេះអាចពុំត្រឹមមានប៉ុណ្ណឹងទេ ហើយសហរដ្ឋអាេមរិក និងបណ្តាប្រទេសជិតខាងកូរ៉េខាងជើងមានការបារម្ភខ្លាចក្រែងក្រុងព្យុងយ៉ាងបាញ់មីស៊ីលថ្មីៗ ឬក៏សាកល្បងនុយក្លេអ៊ែរថ្មីផងដែរ ។ សហរដ្ឋអាេមរិកអំពាវនាវឱ្យកូរ៉េខាងជើងបញ្ឈប់ការបង្កហេតុនានា ។ តើពួកអាេមរិកខ្លាចអីទៅ0x017d7 តើមានអ្វីពិសេសក្នុងកងទ័ពកូរ៉េខាងជើង?
កងទ័ពកូរ៉េខាងជើងពិតណាស់ជាមោទនភាពធំបំផុតរបស់ប្រជាជនប្រទេសនេះ ។ កងទ័ពនេះជាកងទ័ពធំទី៤ លើពិភពលោកដែលមានពលទាហាន និងនាយទាហានដល់ទៅ១.២០០.០០០នាក់ឯណោះ ហើយមនុស្សដល់៤លាននាក់ចុះឈ្មោះជាទាហានបំរុង ។ ទោះបីយ៉ាងណា ពួកអ្នកជំនាញការអះអាងថា កងទ័ពកូរ៉េខាងជើង បើគិតពីកម្លាំង និងអាវុធវិញនៅខ្សោយជាងកងទ័ពកូរ៉េខាងត្បូងដែរ ។ គេត្រូវគិតដល់សមត្ថភាពរបស់កងទ័ពកូរ៉េខាងត្បូង ។ ប្រាកដហើយកូរ៉េខាងជើងជាកងទ័ពធំទី៤លើពិភពលោក បើគិតពីចំនួនទាហានក៏ប៉ុន្តែថវិកាយោធារបស់ក្រុងសេអ៊ូលមានដល់២៥ដង លើសថវិកាយោធារបស់ក្រុងព្យុងយ៉ាង ដែលបែបនេះឆ្លុះបញ្ចាំងពីលក្ខណៈទំនើបនៃសម្ភារយោធាកូរ៉េខាងត្បូង ។
កងទ័ពកូរ៉េខាងជើងពុំអាចមានសម្ភារយោធាទំនើបៗបំផុតឡើយ ក៏ប៉ុន្តែទឹកចិត្តរបស់ពួកយុទ្ធជនខ្លួនពិតជាខ្ពស់បំផុត ពិសេសដោយសារការអប់រំគំនិតស្នេហាជាតិ ។ ការចូលបម្រើកងទ័ពជាកាតព្វកិច្ច ហើយពិបាកគេចរួចណាស់ ។ ចំណែករយៈពេលបម្រើកងទ័ពវិញក៏យូរណាស់ដែរ គឺ១០ឆ្នាំសម្រាប់បុរស និង៧ឆ្នាំសម្រាប់នារី ។ ម្យ៉ាងវិញទៀត ចំពោះនារីការបម្រើកងទ័ពក្លាយជាកាតព្វកិច្ចតាមបទបញ្ជារបស់លោកគីម ជុងអ៊ុន ចាប់តាំងពីឆ្នាំ២០១៥មក ។
ក្រុងព្យុងយ៉ាងពុំប្រើកងទ័ពត្រឹមតែកំញើញពួកសត្រូវឡើយ តែកងទ័ពក៏ប្រើសម្រាប់បេសកកម្មឯទៀតៗឧទាហរណ៍នៅតាមចម្ការនានាផងដែរ ។ ប្រហែលជាដោយសារបេសកកម្ម និងការងារទាំងនេះហើយ ដែលគេខ្លាចកងទ័ពកូរ៉េខាងជើង ដែលអាចធ្វើអ្វីសព្វយ៉ាងសម្រាប់ប្រទេស ។
សម្រាប់ទិវាកងទ័ពកូរ៉េខាងជើងសេតវិមានបានកោះប្រជុំព្រឹទ្ធសភា ដើម្បីលើកឡើងពីសភាពការណ៍ក្នុងប្រទេស ។ អ្នកជំនាញការមួយចំនួនគិតថា លោកត្រាំ អាចប្រើប្រាស់ជម្លោះជាមួយក្រុងព្យុងយ៉ាងដើម្បីគោលដៅផ្ទាល់ទាំងឡាយរបស់លោក ៕
ចែករំលែកព័តមាននេះ