យោងតាមឯកសាររបស់នាយកដ្ឋានប្រយុទ្ធនឹងជំងឺឆ្លងបញ្ជាក់ថា រោគសញ្ញារមួលក្រពើជាសញ្ញាបឋមថាអ្នកមានជំងឺទាក់ទងនឹងអាកាសធាតុក្តៅខ្លាំង ដែលអ្នកអាចវិវឌ្ឍជាជំងឺអស់កម្លាំងល្ហិតល្ហៃដោយកម្តៅខ្លាំង ឬដួល
យោងតាមឯកសាររបស់នាយកដ្ឋានប្រយុទ្ធនឹងជំងឺឆ្លងបញ្ជាក់ថា រោគសញ្ញារមួលក្រពើជាសញ្ញាបឋមថាអ្នកមានជំងឺទាក់ទងនឹងអាកាសធាតុក្តៅខ្លាំង ដែលអ្នកអាចវិវឌ្ឍជាជំងឺអស់កម្លាំងល្ហិតល្ហៃដោយកម្តៅខ្លាំង ឬដួលសន្លប់ដោយសារកម្តៅខ្លាំង ។ ខាងក្រោមនេះគឺជារោគសញ្ញាអ្នកអាចដឹងមានដូចជា៖
១-ជំងឺអស់កម្លាំងល្ហិតល្ហៃដោយសារកម្តៅ
-បែកញើសខ្លាំង ។
-ខ្សោយកម្លាំង ។
-ខ្លួនត្រជាក់ ស្លេក ស្បែកស្អិត ។
-ជីពចរដើរញាប់ ។
-ចង្អោរ ឬក្អួត ។
-ដួល
បើសិនជាអ្នកជួបអ្នកដែលមានសភាពបែបនេះអ្នកគួរអនុវត្តតាមវិធីខាងក្រោម៖
-ប្តូរទៅកន្លែងត្រជាក់
-ដាក់ខ្លួនឱ្យដេក និងដោះសម្លៀកបំពាក់ ។
-ជូតកន្សែងត្រជាក់លើខ្លួនប្រាណជុំវិញ ។
-ក្រេបទឹក សន្សឹមៗ ។
-បើមានក្អួត និងបន្តរហូតត្រូវបញ្ជូនទៅពេទ្យជាបន្ទាន់ ។
២-ជំងឺដួលសន្លប់ដោយកម្តៅខ្លាំង
-សីតុណ្ហភាពលើសពី៣៩,៥អង្សាសេ ។
-ស្បែកក្តៅ ក្រហម ឬស្ងួត ។
-ជីពចរដើរញាប់ ។
-អាចបាត់បង់ស្មារតី ។
ប្រសិនជាលោកអ្នកជួបអ្នកដែលមានសភាពបែបនេះលោកអ្នកគួរអនុវត្តតាមវិធីខាងក្រោម៖
-ប្តូរអ្នកជំងឺទៅកន្លែងត្រជាក់ ។
-បញ្ចុះកម្តៅខ្លួនជាមួយកន្សែងត្រជាក់ ឬងូតទឹក ។
-មិនត្រូវផ្តល់ទឹក ។
-បញ្ជូនទៅមន្ទីរពេទ្យជាបន្ទាន់ ។
ដើម្បីការពារការកើតមានជំងឺពីអាកាសធាតុក្តៅខ្លាំង លោកអ្នកគួរតែអនុវត្តតាមវិធីខាងក្រោមនេះដូចតទៅ៖
១-រក្សាខ្លួនឲ្យត្រជាក់ ដើម្បីចៀសវាងជំងឺ
-ជ្រកក្រោម្លប់ឲ្យបានច្រើន(ម្លប់ដើមឈើ ម្លប់អគារ ឬក្នុងម៉ាស៊ីនត្រជាក់) កុំជ្រើសរើសកង្ហារជាអាទិភាពទី១ និងជៀសវាងនៅក្រោមថ្ងៃផ្ទាល់ ។
-ស្លៀកសម្លៀកបំពាក់ស្តើង ស្រាល និងមានពណ៌ភ្លឺ ដូចជា ស បៃតងខ្ចី ។ល។
-ងូតទឹកត្រជាក់ ឬទឹកធម្មតា ឲ្យបានញឹកញាប់។
-តាមដានក្រុមមនុស្សងាយរងគ្រោះ២ដងក្នុង១ថ្ងៃ ដូចជាក្មេងអាយុក្រោម៥ឆ្នាំ វ័យលើស៦៥ឆ្នាំ ស្ត្រីមានផ្ទៃពោះ និងជនមានជំងឺរ៉ាំរ៉ៃ។
២-មានជាតិទឹកជានិច្ច ពីព្រោះខ្លួនអ្នកបានបាត់បង់ជាតិទឹកច្រើនដោយសារចេញញើសហើយអ្នកអាចមានខ្សោះជាតិទឹកនៅពេលក្តៅខ្លាំង ។
-ផឹកទឹកឱ្យបានច្រើនជាងពេលធម្មតា មិនត្រូវចាំដល់ស្រេកទឹក ។
-ផឹកទឹក២ទៅ៤កែវរៀងរាល់ម៉ោងនៅពេលកំពុងធ្វើការក្រោមកម្តៅថ្ងៃ និងពេលហាត់ប្រាណ។
-ចៀសវាងពិសាស្រានិងទឹកដែលមានកំហាប់ស្ករខ្ពស់ ។
-ជួយរំលឹកអ្នកផ្សេងទៀតឲ្យឧស្សាហ៍ផឹកទឹក ទឹកត្រូវដាំឲ្យពុះជានិច្ច ដើម្បីចៀសវាងជំងឺរាករុសនិងមួល ឬអាសន្នរោគ ។
-តាមដានព័ត៌មានអាកាសធាតុ និងសុខភាព ដែលមានប្រភពច្បាស់លាស់ដើម្បីការពារសុខភាពអ្នកឲ្យបានត្រឹងត្រូវ ៕
ចែករំលែកព័តមាននេះ