ខេត្តបន្ទាយមានជ័យ ៖ ប្រជាពលរដ្ឋចំនួន១៧០នាក់មកពីស្រុកថ្មពួកបាននាំគ្នាតវ៉ាបុគ្គល១១នាក់ជាមន្ត្រីស្រុកលួចដីទំហំ២៩៣,១៤ហិកតាដែលកំពុងអាស្រ័យផលលក់ឱ្យក្រុមហ៊ុនដែលធ្វើការតវ៉ានៅព្រឹកថ្ងៃទី២៦ ខែមេសា ឆ្នាំ២០១៧ នៅមុខសាលាខេត្តបន្ទាយមានជ័យ ។
តំណាងប្រជាពលរដ្ឋបានប្រាប់ថា ពួកគេដែលនាំគ្នាមកតវ៉ាមានចំនួន១៧០នាក់តំណាងឱ្យ១៧០គ្រួសារ ។ ឃុំភូមិថ្មីមាន២ភូមិ ភូមិកាប់ចោ ភូមិគោកស្វាយ ២.ឃុំថ្មពួកមានភូមិស្វាយស្ថិតស្រុកថ្មពួក ។ ដែលនាំគ្នាមកតវ៉ាចំពោះបុគ្គល១១នាក់ដែលជាមន្ត្រីស្រុកថ្មពួកបានលួចដីប្រជាពលរដ្ឋនាំគ្នាផ្តិតមេដៃលក់ឱ្យក្រុមហ៊ុន ។
តំណាងប្រជាពលរដ្ឋបានបញ្ជាក់ថា៖ផ្ទៃដីទំនាស់ទំហំ២៩៣,១៤ហិកតានេះគឺស្ថិតនៅខាងលិចភ្នំព្រះភូមិស្វាយឃុំ.ស្រុកថ្មពួកដែលប្រជាពលរដ្ឋចំនួន១៧០គ្រួសារកំពុងអាស្រ័យផលមានដាំដំឡូងមីរាល់ឆ្នាំស្រាប់បុគ្គ១១រូបនេះអាងខ្លួនជាមន្ត្រីជំនាញបានឃុបឃឹតគ្នាក្លែងបន្លំឯកសារផ្តិតមេដៃជាដីរបស់ខ្លួនយកលក់ឱ្យក្រុមហ៊ុននិងមានមន្ត្រីឃុំ២រូបទៀត ។
ប្រជាពលរដ្ឋដែលនាំគ្នាតវ៉ានេះសំឱ្យក្រសួងជំនាញនិ ងក្រសួងយុត្តិធម៌និងចៅហ្វាយខេត្តលោក សួន បវរ ជួយរកយុត្តិធម៌ជូនរាស្គ្រផងដើម្បីរក្សាដីនេះជាកម្មសិទ្ធរបស់ពួកគាត់សម្រាប់បង្កបង្កើនផល ។
ពេលនោះអាជ្ញាធរខេត្តបានហៅតំណាង១០នាក់ចូលជួបប្រជុំដោះស្រាយ ។ លោក លី សារី អភិបាលរងខេត្តបន្ទាយមានជ័យបានមានប្រសាសន៍លើកឡើងថា៖ក្រោយពេលឃើញប្រជាពលរដ្ឋតវ៉ាមុខសាលាខេត្តហើយបានឱ្យមន្ត្រីជំនាញអញ្ជើញតំណាងជួបប្រជុំរកដំណោះស្រាយព្រោះរឿងនេះបានយូរមកហើយដែលមិនទាន់បានដោះស្រាយចេញនៅឡើយ ។
លោកបានបញ្ជាក់ថា រឿននេះមិនទាន់បានដឹងច្បាស់នៅឡើយក្រោយពេលប្រជាពលរដ្ឋមានការតវ៉ាសំជួយរកយុត្តិធម៌លោកនិងឱ្យមន្ត្រីជំនាញសហការជាមួយបងប្អូនប្រជាពលរដ្ឋដើម្បីសិក្សាស្រាវជ្រាវឡើងវិញហើយនិងដោះស្រាយជូនប្រជាពលរដ្ឋទទួលបានភាពយុត្តិធម៌ ៕
ចែករំលែកព័តមាននេះ