សូមប្រជាពលរដ្ឋបង្កើនការប្រុងប្រយ័ត្នខ្ពស់ ចំពោះបាតុភូតធម្មជាតិកំពុងគំរាមកំហែងខ្លាំង
រាជធានីភ្នំពេញ ៖ ប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ និងជាអភិបាលរងខណ្ឌលោក ឌី រ័ត្នខេមរុណ
រាជធានីភ្នំពេញ ៖ ប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ និងជាអភិបាលរងខណ្ឌលោក ឌី រ័ត្នខេមរុណ
រាជធានីភ្នំពេញ ៖ ប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ និងជាអភិបាលរងខណ្ឌលោក ឌី រ័ត្នខេមរុណ បានធ្វើការអំពាវនាវជាសាធារណៈ ដល់បងប្អូនពលរដ្ឋក្នុងមូលដ្ឋានខ្លួន សូមមេត្តាបង្កើនការប្រុងប្រយ័ត្នអោយបានខ្ពស់ ចំពោះបាតុភូតធម្មជាតិនានា មានដូចជា ភ្លៀងលាយលំជាមួយខ្យល់កន្ត្រាក់ខ្លាំង ផ្គរ រន្ទះ ជាដើម ដែលកំពុងកើតមាន និងគំរាមកំហែងខ្លាំងដល់ពលរដ្ឋក្នុងប្រទេស ក្នុងអំឡុងពេលប៉ុន្មានថ្ងៃមកនេះ ។
ការអំពាវនាវរបស់លោកប្រធានអនុសាខា ធ្វើឡើងក្នុងពិធីចែកនូវអំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ចែកជូនដល់ពលរដ្ឋទីទ័លក្រចំនួន៥០គ្រួសារ ដែលរស់នៅក្នុងសង្កាត់បឹងទំពុន ខណ្ឌមានជ័យ នាព្រឹកថ្ងៃទី២៦ ខែមេសា ឆ្នាំ២០១៧នេះ ។
លោកបានអោយដឹងថា ប៉ុន្មានថ្ងៃមកនេះ មនុស្សមួយចំនួនដែលរស់នៅតាមបណ្តាភូមិ-ស្រុកផ្សេងៗ ក្នុងខេត្តជាច្រើននៅក្នុងប្រទេស ត្រូវបានស្លាប់ជាបន្តបន្ទាប់ ដោយសារបាតុភូតរន្ទះបាញ់ ដោយឡែក លំនៅឋានពលរដ្ឋជាច្រើនរយខ្នងផងដែរ ក៏ត្រូវភ្លៀងលាយលំជាមួយខ្យល់កន្ត្រាក់ បោកបក់រលំបណ្តាលអោយខូចខាតយ៉ាងខ្លាំងខ្លាផងដែរ ។ ប៉ុន្តែសម្រាប់រាជធានីភ្នំពេញ នៅមិនទាន់មានមនុស្សណាម្នាក់ត្រូវរងរបួស ឬប៉ះពាល់ដល់អាយុជីវិត ដូចករណីដែលបានកើតឡើងនៅតាមបណ្តាខេត្តឡើយ គ្រាន់តែក្នុងនោះ លំនៅឋានពលរដ្ឋខ្លាំងត្រូវទឹកជន់លិច ឬប៉ើងដំបូលផ្ទះខូចខាតបន្តិចបន្តួចប៉ុណ្ណោះ កាលពីវេលាម្សិលមិញ ក្រោយពេលមានភ្លៀងមួយមេធំលាយលំខ្យល់កន្ត្រាក់ខ្លាំង ជាក់ស្តែងដូចនៅសង្កាត់ស្ទឹងមានជ័យ ។
លោកឌី រ័ត្នខេមរុណ បានមានប្រសាសន៍អោយដឹងថា ថ្វីត្បិតតែអំណោយដែលបានចែកជូននៅពេលនេះវាតិចតួចក៏ពិតមែន ប៉ុន្តែក៏អាចជួយដោះទុក្ខលំបាករបស់បងប្អូនមួយកម្រិតផងដែរ ។ លោកប្រធានអនុសាខាបន្ថែមថា ជីវិតរស់នៅត្រូវតែមានការតស៊ូ និងព្យាយាម ចូលបងប្អូនកុំអស់សង្ឃឹម ចំពោះភាពក្រីក្រលំបាករបស់ខ្លួន ពិសេសបងប្អូនដែលជាពិការជន ព្រោះថា គ្មាននណារកើតមកមិនជួបការលំបាកឡើយ ប៉ុន្តែយើងត្រូវជំនះវាអោយបានដើម្បីបន្តជីវិតរស់ទៅមុខទៀត និងដើម្បីមានជីវិតនៅជាមួយក្រុមគ្រួសារ និងមនុស្សជាទីស្រលាញ់ ។
ឈ្លៀតក្នុងឱកាសដដែលនេះ លោកប្រធានអនុសាខា បានមានប្រសាសន៍ ផ្ញើក្តីនឹករលឹក យ៉ាងក្រៃលែងផងដែរ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនចំពោះបងប្អូនប្រជាពលរដ្ឋទាំង ៥០គ្រួសារផងដែរ ។ ថ្វីត្បិតតែពេលនេះសម្តេចមិនមានវត្តមាននៅទីនេះពិតប្រាកដមែន ប៉ុន្តែចិត្តរបស់សម្តេចតែងឋិតនៅក្បែរបងប្អូនជានិច្ច ដែលលោកតែងតែក្រើនរំលឹកដល់មន្ត្រីក្រោមឱវាទអោយធ្វើយ៉ាងណា ត្រូវយកចិត្តទុកដាក់ខ្ពស់ទៅលើប្រជាពលរដ្ឋក្រីក្រលំបាក តោកយ៉ាក ចាស់ជរា អ្នកកើតជម្ងឺរ៉ាំរៃ និងជាពិសេសជនមានផ្ទុកមេរោគអេដស៍ គឺមិនត្រូវមើលរំលងជាដាច់ខាត ព្រោះសុខទុករបស់ពលរដ្ឋកម្ពុជា គឺជាសុខទុករបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដូចគ្នា ។
សូមបញ្ជាក់ថា អំណោយដែលបានចែកជូនក្នុងមួយគ្រួសារៗ ទទួលបានមាន មី១កេស ទឹកសុទ្ធ១កេស ទឹកត្រី១កេស អង្ករ១ប៉ាវទម្ងន់៥០គីឡូក្រាម និងថវិការក្នុង១គ្រួសារ ២ម៉ឺនរៀលផងដែរ ៕
ចែករំលែកព័តមាននេះ