រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា មានការភ្ញាក់ផ្អើលដោយបានប្រទះឃើញគ្រាប់ប្រភេទ M79 ចំនួន៣១គ្រាប់ដែលបានបន្សល់ទុកតាំងពីសម័យសង្គ្រាមនៅក្នុងទសវត្ស៧០ដល់៧៥ ។
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា មានការភ្ញាក់ផ្អើលដោយបានប្រទះឃើញគ្រាប់ប្រភេទ M79 ចំនួន៣១គ្រាប់ដែលបានបន្សល់ទុកតាំងពីសម័យសង្គ្រាមនៅក្នុងទសវត្ស៧០ដល់៧៥ ។
តាមប្រភពបានឱ្យដឹងថា មានពលរដ្ឋមួយរូបឈ្មោះ ហេង គង់ ភេទប្រុស អាយុ៥៧ឆ្នាំ ដែលជាអ្នករត់រ៉ឺម៉កកង់បី ដែលមានទីលំនៅស្ថិតក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ដែលជាអ្នកប្រទះឃើញគ្រាប់ M79 ចំនួន៣១គ្រាប់នេះ ។
ដំបូងលោកពូ ហេង គង់ គឺបានទំនាក់ទំនងទិញដីដើម្បីធ្វើការចាក់បំពេញសម្រាប់សាងសង់ផ្ទះរបស់គាត់ ដែលដីនោះគឺត្រូវបានគេកាយចេញពីតំបន់មួយស្ថិតក្នុងភូមិតាពូង សង្កាត់ខ្នោរ ខណ្ឌពោធិ៍សែនជ័យ រួចយកទៅចាក់នៅផ្ទះរបស់លោកពូនៅល្ងាចថ្ងៃទី២៥ ខែមេសា ឆ្នាំ២០១៧ ។
បន្ទាប់ពីរថយន្តបានចាក់ដីនោះនៅទីតាំងដែលលោកពូរៀបចំសាងសង់ផ្ទះរួចមក នៅល្ងាចថ្ងៃទី២៥ ខែមេសា ឆ្នាំ២០១៧ នោះផងដែរលោកពូក៏បានធ្វើការកកាយដីនោះដើម្បីពង្រាបដីទាំងនោះ ខណៈនោះដែរស្រាប់តែលោកពូកាយបានបន្តិចក៏ប្រទះឃើញគ្រាប់ M79 ចំនួន៣១គ្រាប់នោះតែម្តង ហើយលោកពូក៏បញ្ឈប់ការកាយរបស់លោក ។ ដោយសភាពនៅពេលនោះគឺមានពេលយប់ទៅហើយលោកពូក៏បានប្រមូលគ្រាប់ទាំងអស់នោះយកទៅដាក់ទុកនៅក្នុងឡាំងស្នោប្រកបដោយសុវត្ថិភាព រងចាំមេឃភ្លឺដើម្បីរាយការណ៍ជូនអាជ្ញាធរពាក់ព័ន្ធមកទទួលយក ។
សូមបញ្ជាក់ផងដែរថា នៅក្នុងតំបន់ជុំវិញបរិវេណភូមិតាពូង សង្កាត់ខ្នោរ ខណ្ឌពោធិ៍សែនជ័យ នោះជាតំបន់ធ្វើសឹកសង្គ្រាមរវាង លន់ នុល និងខ្មែរក្រហម ដែលជាទីតាំងសមរភូមិមុខ ៕
ចែករំលែកព័តមាននេះ